इतिहास संशोधक, संपादक स. मा. गग्रे यांच्या स्मृतीप्रीत्यर्थ दिला जाणारा प्रतिष्ठेचा राज्यस्तरीय पत्रकारिता पुरस्कार या वर्षी अर्थशास्त्राचे अभ्यासक, दैनिक ‘लोकसत्ता’चे संपादक गिरीश कुबेर यांना जाहीर झाला आहे. माजी केंद्रीय मंत्री शरद पवार यांच्या हस्ते या पुरस्काराचे वितरण सोमवार, १६ जानेवारी रोजी बीड येथे होणार आहे. बीड जिल्हा पत्रकार संघाच्या वतीने मागील दहा वर्षांपासून जिल्ह्यचे सुपुत्र स. मा. गग्रे यांच्या नावाने दरवर्षी राज्यातील एका ज्येष्ठ पत्रकाराला पुरस्कार देऊन गौरविले जाते. या वर्षीच्या पुरस्कारासाठी कुबेर यांची निवड करण्यात आली आहे. सोमवारी सकाळी १० वाजता बीड येथे यशवंतराव चव्हाण नाटय़गृहात माजी केंद्रीय कृषिमंत्री शरद पवार यांच्या हस्ते पुरस्काराचे वितरण होणार आहे. या वेळी ग्रामविकासमंत्री पंकजा मुंडे, विधानपरिषदेतील विरोधी पक्षनेते धनंजय मुंडे, खासदार रजनी पाटील, खासदार प्रीतम मुंडे, माजी मंत्री सुरेश धस यांच्यासह विविध क्षेत्रांतील मान्यवर उपस्थित राहणार आहेत, अशी माहिती पत्रकार संघाचे संस्थापक संतोष मानूरकर व वसंत मुंडे यांनी दिली.
