18 November 2017

News Flash

जाहिरातीसाठी हिंदू देवतांची छायाचित्रं वापरल्याने जावेद हबीब यांच्या सलूनवर शाईफेक

भाजप कार्यकर्त्यांनी व्यक्त केला निषेध

औरंगाबाद | Updated: September 6, 2017 5:11 PM

औरंगाबाद : हेअर स्टायलिश जावेद हबीब यांच्या सलूनवर शाई फेकण्यात आली.

जाहिरातीसाठी हिंदू देव-देवतांच्या छायाचित्रांचा वापर केल्याने औरंगाबादमध्ये सेलिब्रिटी हेअर स्टायलिस्ट जावेद हबीब यांच्या सलूनवर भाजपच्या कार्यकर्त्यांकडून शाई फेकण्यात आली. यावेळी भाजप कार्यकर्त्यांनी घोषणा देत आपला निषेधही नोंदवला.

हेअर स्टायलिस्ट जावेद हबीब यांनी सोशल मीडियाच्या माध्यमातून आणि काही वर्तमानपत्रांमध्ये आक्षेपार्ह जाहिरात दिल्याचा दावा भाजप कार्यकर्त्यांनी केला आहे. जाहिरातीमध्ये हिंदू देवी-देवता हबीब यांच्या सलूनमध्ये आल्याचे दाखवण्यात आले आहे. त्यामुळे आमच्या धार्मिक भावना दुखावल्याचे या भाजप कार्यकर्त्यांचे म्हणणे आहे. त्यामुळेच औरंगाबाद शहरातील कॅनॉट परिसरातील जावेद हबीब सलून समोर निदर्शने करत शाईफेक करण्यात आली.

जावेद हबीब यांच्या ट्विटर हँडलवरून ही जाहिरात प्रसिद्ध झाल्याचे वृत्त काही प्रसारमाध्यामांनी दिले आहे. ट्विटरवरील या पोस्टनंतर अनेकांनी हबीब यांना याचा जाब विचारला. त्यानंतर या प्रकरणी हबीब यांनी ट्विटरवरून माफी देखील मागितली.

First Published on September 6, 2017 4:42 pm

Web Title: in spread on jawed habibs saloon after using photographs of hindu deities for advertisement