22 January 2018

News Flash

असंतोष संघटित करण्यास काँग्रेसला अपयश

रस्त्यावर उतरायलाही उशीरच; पृथ्वीराज चव्हाण यांची कबुली

खास प्रतिनिधी, औरंगाबाद | Updated: October 6, 2017 1:25 AM

पृथ्वीराज चव्हाण, माजी मुख्यमंत्री 

रस्त्यावर उतरायलाही उशीरच; पृथ्वीराज चव्हाण यांची कबुली

मोदी सरकारने घेतलेल्या आर्थिक निर्णयावर कठोर टीका करत, नोटबंदी ही अमेरिकेतील क्रेडीटकार्ड कंपन्यांना हितकारक व्हावी, यासाठी घेतलेला निर्णय आहे, असा आरोप करणारे माजी मुख्यमंत्री पृथ्वीराज चव्हाण यांनी सरकार विरोधातील असंतोष संघटित करण्यास काँग्रेस कमी पडत असल्याची कबुली गुरुवारी दिली. नांदेड महापालिकेच्या प्रचारानिमित्त मराठवाडय़ात आलेल्या चव्हाण यांनी आज केंद्र व राज्यातील भाजप सरकारवर जोरदार टीका केली. सर्वसामान्य जनता त्रस्त असल्याचे सांगत आर्थिक आघाडय़ांवर मोदी सरकार पूर्णत: अपयशी ठरत असल्याचे सांगितले. मात्र, सरकार विरोधी भूमिका घेण्यासाठी रस्त्यावर उतरण्यासही पक्षास काहीसा उशीर झाल्याचे ते म्हणाले. त्यांचा हा टोला प्रदेशाध्यक्ष अशोक चव्हाण आणि विरोधी पक्ष नेते राधाकृष्ण विखे पाटील यांना असल्याचे मानले जात आहे.

शेतकरी कर्जमाफीसाठी मुख्यमंत्री देवेंद्र फडणवीस कधीच सकारात्मक नव्हते. मात्र, उत्तरप्रदेश निवडणुकांच्या पाश्र्वभूमीवर पंतप्रधान नरेंद्र मोदी यांनी दिलेले कर्जमाफीचे आश्वासन आणि मध्यप्रदेशामध्ये झालेला गोळीबार यामुळे राज्यातील शेतकरी संप चिघळू नये म्हणून कर्जमाफीचा निर्णय घेतला. पण त्याची अंमलबजावणी करताना सांगितलेल्या आकडेवारीमध्ये कमालीची अनागोंदी असल्याचे ते म्हणाले. शेतकऱ्यांना चोर असल्यासारखी वागणूक दिली जात आहे. प्रकाश मेहता व सुभाष देसाई यांची चौकशी लोकायुक्तांकडून होत आहे. खरे तर या प्रकरणात निवृत्त न्यायमूर्तीकडून चौकशी व्हावी. प्रकाश मेहतांनी दिलेल्या मंजुरी प्रकरणात मुख्यमंत्र्यांची चौकशी करण्याची वेळ आली तर लोकायुक्त ती करू शकणार नाहीत. त्यामुळे या सरकारच्या प्रामाणिकपणाच्या हेतूवर शंका असल्याचे सांगत त्यांनी फडणवीस सरकारवर हल्लाबोल केला. आमच्या नाही तर नाही किमान यशवंत सिंन्हांच्या प्रश्नांची तरी उत्तरे द्या, असे ते म्हणाले. केंद्र सरकारकडून कृषी उत्पन्न दुप्पट करु आणि स्वामिनाथन आयोगाच्या शिफारशी मान्य करुन त्याची अंमलबजावणी करू, अशी दिलेली आश्वासने पुन्हा ‘जुमला’ असल्याचे ते म्हणाले. वेगवेगळया पातळयांवर दोन्ही सरकार कसे अपयशी होत आहे, हे सांगणारे पृथ्वीराज चव्हाण काँग्रेस पक्ष म्हणून हा असंतोष संघटित करण्यास कमी पडत असल्याचे मान्य केले. अगदी रस्त्यावर उतरायलाही उशीर झाल्याचे सांगत ते म्हणाले,‘ पक्षातील नेत्यांनी माझी सूचना ऐकली तर त्यांना एवढेच सांगेन की, गावोगावी जा आणि सरकारच्या कामांविषयी त्यांच्याशी चर्चा करा.’ आमदार अब्दुल सत्तार यांच्याकडे पाहत, हे आमचे औरंगाबादचे नेते आहेत. त्यांनी स्थानिक पातळीवर काम सुरू केले तरी बरेच होईल, असा चिमटाही त्यांनी काढला.

अशोक चव्हाणांच्या मदतीला पृथ्वीराज चव्हाण!

विशेष प्रतिनिधी, मुंबई : काँग्रेसचे प्रदेशाध्यक्ष अशोक चव्हाण यांनी प्रतिष्ठेच्या केलेल्या नांदेड-वाघाळा महानगरपालिका निवडणुकीच्या प्रचारार्थ माजी मुख्यमंत्री पृथ्वीराज चव्हाण यांच्या उद्या सभा होणार आहेत. गेल्या लोकसभा निवडणुकीत अशोकरावांना उमेदवार देण्यास पृथ्वीराजबाबांनी विरोध केला होता. या पाश्र्वभूमीवर दोन चव्हाण एकत्र येण्याला विशेष महत्त्व आहे. नांदेज-वाघाळा महानगरपालिका निवडणुकीत काँग्रेस उमेदवारांच्या प्रचारार्थ अशोक चव्हाण आणि पृथ्वीराज चव्हाण या दोन माजी मुख्यमंत्र्यांच्या शहरात उद्या संयुक्त चार जाहीर सभा होणार आहेत. या दोन्ही चव्हाणांमध्ये पूर्वी फार काही सख्य नव्हते. ‘आदर्श’ घोटाळ्यात नाव असल्याने अशोक चव्हाण यांना लोकसभा निवडणुकीत उमेदवारी देऊ नये, अशी भूमिका तत्कालीन मुख्यमंत्री पृथ्वीराज चव्हाण यांनी नवी दिल्लीत मांडली होती. पण पक्षाने अशोकरावांना संधी दिली. लोकसभा निवडणुकीत राज्यात काँग्रेसचा धुव्वा उडाला असताना फक्त नांदेड आणि हिंगोली या दोन आजूबाजूच्या लोकसभा मतदारसंघांमध्ये काँग्रेसला यश मिळाले होते. दोन्ही चव्हाणांनी सध्या तरी मतभेदांना पूर्णविराम दिला आहे.

First Published on October 6, 2017 1:23 am

Web Title: prithviraj chavan comment on congress party failure
  1. S
    Somnath
    Oct 6, 2017 at 12:22 pm
    बाबांचा नवीन शोध - नोटबंदी ही अमेरिकेतील क्रेडीटकार्ड कंपन्यांना हितकारक व्हावी, यासाठी घेतलेला निर्णय आहे, भ्रष्टाचाराचे नवनवीन शोध लावणाऱ्यांकडून हेच अपेक्षित आहे. यशवंत सिंन्हां याना ब्रिक्स बँकेचे अध्यक्षपद किंवा राज्यपालपद न मिळाल्याने ते जे काय बोलता त्याचे काँग्रेसचे लाळघोटे उचलून धरतात व सरकारवर आगपाखड करता त्याऐवजी कोणतेही पॅड मिळण्याची अपेक्षा नसलेले जयराम रमेश यांनी सुल्तानशाहीवर बोल लावले किमान त्याच्या प्रश्नांची तरी उत्तरे द्या, काँग्रेसला सुगीचे दिवस येतील पण तुमची नेमकी वाचा बंद होते सोईस्कर आहे तेवढे उचलायचा जुना फण्डा टाकून द्यायला तयार नाही.गांधी घराण्याच्या कुलदीपकाविषयी बोलण्याची हिम्मत नसलेले दुसऱ्यांना अक्कल शिकवून काय उपयोग.
    Reply
    1. A
      Arun
      Oct 6, 2017 at 11:46 am
      काढा कि मग तुमचा स्वतंत्र पक्ष. तसेही तुम्ही स्वच्छ चारित्र्याचे आहातच. काँग्रेस पेक्षा नक्कीच उत्तम कामगिरी करून दाखवाल तुम्ही याची खात्री आहे. नेहरू-गांधी घराण्यात आता कितीसा राम उरलाय? कशाला बसता त्यांची धुणी धूत? देशाला तसेही एक सशक्त विरोधी पक्ष हवाय.
      Reply
      1. Shriram Bapat
        Oct 6, 2017 at 10:36 am
        हे महाराष्ट्र काँग्रेसमधले एकमेव जंटलमन पुढारी. वेडेवाकडे बोलणार नाहीत . टीका सुद्धा संयमाने करतात. पण आजूबाजूच्या गणंगांमुळे व्यथित होतात. त्यांना खरे तर भाजपमध्ये यायचे होते. पण घराणेशाहीतून पुढे आलेले असल्याने स्पर्धेतून बाद झाले. राधाकृष्ण विखे आणि आता तर राणेंनी बाजी मारली त्यामुळे निराश आहेत. चालायचेच. काही जणांच्या नशिबात चांगला वास नसतो. दैवापुढे कुणाचे काय चालणार ?
        Reply
        1. उर्मिला.अशोक.शहा
          Oct 6, 2017 at 8:48 am
          वंदे मातरम- ४२० पक्षाच्या ८४० नेत्यांना फक्त खोऱ्याने ओढण्याचेच ज्ञान अवगत असल्या मुळे विरोधी पक्ष च्या भूमिकेत त्यांना अवघडल्या सारखे होत आहे, पक्षातील नेते एका पेक्षा एक आदर्श असल्या मुळे उडदामाजी काय निवडावे काळे गोरे आणि ज्या मुख्य मंत्रीचा इतिहास बहादुरशहा जाफर प रा भू त राज्या सारखा त्याच्या बद्दल न बोलणे च बरे अजून राजकारण चा ग म भ न ज्यांना नीट गिरवता येत नाही त्यांनी मोठ्या गप्पा मारू नये फक्त एकमेकांचे पाय ओढावेत म्हणजे पक्ष चे कल्याण होईल जा ग ते र हो
          Reply
          1. Anil Gudhekar
            Oct 6, 2017 at 7:38 am
            काँग्रेस पक्ष मालक बोले तैसा कार्याकरिता हाले ......इतरांनी नेतेपण घेण्याचा प्रयत्न केल्यास कारवाईची भीती असते वा त्यास वाळीत टाकले जाते ......मग इतर जण कसे साथ देणार ?
            Reply
            1. Load More Comments