जिल्ह्य़ातील देवगाव रंगारी येथील जवान हृषीकेश अशोक बोचरे (वय २७) यांना लेह-लडाख परिसरातील सीमा भागात लढताना मंगळवारी वीरमरण आले. त्यांचे पार्थिव गुरुवारी मूळ गावी आणले जाणार आहे. बोचरे यांचे सहा महिन्यांपूर्वी लग्न झाले होते. त्यांच्या पश्चात पत्नी, आई-वडील व एक भाऊ असा परिवार आहे. २०१२ साली त्यांची सैन्यामध्ये निवड झाली होती. सध्या त्यांना लेह-लडाख परिसरातील तामसा या भागात सीमा रक्षणासाठी पाठवण्यात आले. तेथेच त्यांना मंगळवारी दुपारच्या सुमारास वीरमरण आले.
