औरंगाबादचे वरिष्ठ पोलीस निरीक्षक संदीप गुरमे युरोपमधील स्पर्धेत ठरले ‘आयर्नमॅन’

दोन वर्षांपासून ते या स्पर्धेची तयारी करत होते

औरंगाबादचे वरिष्ठ पोलीस निरीक्षक संदीप गुरमे युरोपमधील स्पर्धेत ठरले ‘आयर्नमॅन’

एमआयडीसी वाळूज पोलीस ठाण्याचे वरिष्ठ पोलीस निरीक्षक संदीप पांडुरंगराव गुरमे यांनी रविवारी युरोपमधील इस्टोनियाची राजधानी टॅलिनमध्ये झालेल्या ट्रायथलॉन स्पर्धातला ‘आयर्नमॅन’ हा बहुमान मिळविला.

मागील सुमारे दोन वर्षांपासून ते या स्पर्धेची तयारी करत होते. त्यांनी स्पर्धा ७ तास ४४ मिनिटे एवढ्या वेळात पूर्ण केली.
१.९ किलोमीटर समुद्रात पोहणे, ९० किलोमीटर सायकलिंग आणि २१ किलोमीटर धावणे हे तीनही क्रीडाप्रकार, साधारण १७ ते १८ अंश सेल्सियस तापमानात एकसलग पूर्ण करावे लागणारी ही जगातील कठिणतम स्पर्धांपैकी एक समजली जाते. वाळूज औद्योगिक वसाहतीतील उद्योजक अभिजित नारगोलकर हे गुरमे यांचे ‘कोच’ आहेत.

लेह-लडाख खारदूगमध्ये सायकलिंग –

दर आठवड्याला ३०० किलोमीटर सायकलिंग, २१ किलोमीटर धावणे आणि ७ किलोमीटर पोहणे हा क्रम गुरमे यांनी मागील वर्षभर सांभाळला. निर्व्यसनी व शाकाहारी व्यक्तिमत्त्व असलेल्या संदीप गुरमे यांनी मनाली ४००० फूट उंची ते लेह-लडाख खारदूगमध्ये सायकलिंग केले आहे.

मराठीतील सर्व औरंगाबाद ( Aurangabad ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Aurangabad senior police inspector sandeep gurme became ironman in european competition msr

Next Story
दहा लाखांच्या बदल्यात बनावट चलनातील चौपट रक्कम देण्याचे आमिष ; आठ जणांची टोळी अटकेत
ताज्या बातम्या
फोटो गॅलरी