केंद्रीय अर्थ राज्यमंत्री डॉ. कराड यांची माहिती औरंगाबाद - देशात रविवारी ७५ बँकांचे पंतप्रधान नरेंद्र मोदी यांच्या हस्ते उदघाटन होणार आहे. या ७५ बँकांपैकी तीन डिजिटल बँका या महाराष्ट्रातील औरंगाबाद, नागपूर, साताऱ्यात सुरू होणार असल्याची माहिती केंद्रीय अर्थ राज्यमंत्री डॉ. कराड यांची शनिवारी येथे दिली. पंतप्रधान सन्मान योजनेंतर्गत शेतकऱ्यांना देण्यात येणारा दोन हजार रुपयांचा हप्ताही सोमवारी त्यांच्या बँक खात्यावर जमा होणार असल्याचेही डॉ. कराड यांनी येथे सांगितले. औरंगाबाद जिल्हा मध्यवर्ती सहकारी बँकेत आयोजित जिल्हयातील मंत्र्यांच्या सत्कार कार्यक्रमात ते शनिवारी येथे बोलत होते. बँक, कस्टम, इन्कम टॅक्स, २५४ पब्लिक सेक्टर, इन्शुरन्स आदी विभाग केंद्रीय अर्थ राज्यमंत्री म्हणून आपल्या अधिकार क्षेत्रात येत असल्याचे त्यांनी सांगितले. कांदाचाळीसाठी अनुदान कांदा चाळीसाठी २५ टनाऐवजी ५० टनापर्यंत अनुदान देण्यात येणार असल्याची घोषणा औरंगाबादचे पालकमंत्री तथा राज्याचे रोहयोमंत्री संदिपान भुमरे यांनी सांगितले.
