धाराशिव : उस्मानाबाद लोकसभा मतदारसंघात महायुती आणि महाविकास आघाडी या दोन प्रतिस्पर्ध्यांमध्ये प्रमुख लढत आहे. महायुतीच्यावतीने राष्ट्रवादी काँग्रेसच्या घड्याळ चिन्हावर अर्चना पाटील रिंगणात उतरल्या आहेत. तर महाविकास आघाडीचे उमेदवार ओमप्रकाश राजेनिंबाळकर मशाल चिन्ह घेवून निवडणूक लढवत आहेत. आखाड्यात उतरलेल्या एकूण ३१ उमेदवारांपैकी एका अपक्ष उमेदवाराला तुतारी चिन्ह मिळाले आहे. मतदान यंत्रावरील तुतारी चिन्हामुळे निर्माण होणारा संभ्रम दूर करण्याचे मोठे आव्हान महाविकास आघाडीला पेलावे लागणार आहे.

हेही वाचा: छत्रपती संभाजीनगर: हर्सूल कारागृह आवारात पोलिसाचा खून; एक गंभीर

uddhav thackeray viral video
शरद पवारांनी उद्धव ठाकरेंना बाहेर जायला सांगितलं, ठाकरेंनी हात जोडले अन्..; भाजपाने शेअर केला ‘तो’ VIDEO
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
wardha, loksabha, uddhav thackeray, mahavikas aghadi
उद्धव ठाकरे यांच्या भाषणावर कोणी टाकले विरजण? तर्कवितर्क सुरू…
dharashiv lok sabha marathi news, dharashiv 31 candidates lok sabha
धाराशिव: चार उमेदवारांची माघार, मतदारसंघात पहिल्यांदा सर्वाधिक ३१ उमेदवार आखाड्यात
madha lok sabha, tutari madha loksabha marathi news
माढा मतदारसंघात मोहिते-पाटलांची तुतारी अन् अपक्षाचीही तुतारी..
Bachchu Kadu On Sharad Pawar
“शरद पवारांनी एकदा नाही तर दोनदा चूक केली”; बच्चू कडू यांचे विधान
baramati tutari marathi news, independent candidate tutari baramati marathi news
बारामतीमध्ये ‘तुतारी’ चिन्हावरून वाद, अपक्ष उमेदवाराला तुतारी चिन्ह; राष्ट्रवादी काँग्रेस शरदचंद्र पवार पक्षाचा आक्षेप
Kiran Mane on Ujjwal Nikam
“दोन पक्षांवर दरोडे पडले तेव्हा हा भामटा…”, किरण मानेंची उज्ज्वल निकम यांच्यावर टीकात्मक पोस्ट

सोमवारी उमेदवारी मागे घेण्याच्या अखेरच्या दिवशी उस्मानाबाद लोकसभा मतदारसंघातून चार उमेदवारांनी माघार घेतली आहे. निवडणुकीच्या आखाड्यात एकूण ३१ उमेदवार शिल्लक राहिले आहेत. आजवर झालेल्या १७ लोकसभा निवडणुकांपैकी उमेदवारांचीही संख्या सर्वाधिक आहे. महायुतीच्या उमेदवार अर्चना राणाजगजितसिंह पाटील आणि महाविकास आघाडीचे ओमप्रकाश राजेनिंबाळकर या दोघांमध्ये प्रमुख लढत असली तरी बहुजन समाज पार्टीचे संजयकुमार वाघमारे, वंचित बहुजन आघाडीचे भाऊसाहेब आंधळकर यांच्यासह उर्वरित २९ उमेदवारांमध्ये होणारी मतविभागणी कोणाच्या पथ्यावर पडणार, यावर निवडणुकीचा निकाल ठरणार आहे. निवडणुकीच्या आखाड्यात उतरलेल्या ३१ उमेदवारांपैकी अपक्ष असलेले योगीराज अनंता तांबे यांना तुतारी हे चिन्ह मिळाले आहे. परंडा तालुक्यातील जेकटेवाडी या गावचे योगीराज तांबे यांनी अपक्ष उमेदवारी अर्ज भरला होता. त्यांना तुतारी हे निवडणूक चिन्ह मिळाल्यामुळे निवडणुकीत आणखी रंगत येणार आहे. शरद पवार यांच्या राष्ट्रवादी काँग्रेस पक्षाचे चिन्ह तुतारी असल्याचा प्रचार सर्वदूर झाला आहे. अपक्ष उमेदवार तांबे यांना तुतारी चिन्ह मिळाल्यामुळे निर्माण झालेला हा संभ्रम दूर करण्याचे मोठे आव्हान महाविकास आघाडीला पेलावे लागणार आहे. तुतारीसह अंगठी, कुकर, वाळूचे घड्याळ, भेंडी, चिमणी, फुलकोबी, पतंग, मोत्याचा हार, हिरा, शिट्टी, अशा अनेक रंजक चिन्हांचाही यावेळी मतदारांना सामना करावा लागणार आहे