मुखेड तालुक्यात भूकंपाचे सौम्य धक्के; सतर्क राहण्याचे जिल्हाधिकाऱ्यांचे आवाहन

राष्ट्रीय भूकंप विज्ञान केंद्राच्या संकेतस्थळावर या भूकंपाची तीव्रता ३ रिश्टर स्केल एवढी नोंदिवण्यात आली.

Nashik Earthquake Mild Tremors Trimbakeshwar Peth Seismic Activity Richer Scale Reports

नाशिकला भूकंपाचे धक्के! (प्रातिनिधिक छायाचित्र)

नांदेड : मुखेड तालुक्यातील हिब्बट, कोळगाव, धामणगाव, मोटरगा, धनज व जामखेड या गावांमध्ये बुधवारी दुपारी ३.२५ च्या दरम्यान भूगर्भातून आवाज येऊन जमीन हादरली. हा सौम्य भूकंप असल्याचे नंतर सांगण्यात आले. राष्ट्रीय भूकंप विज्ञान केंद्राच्या संकेतस्थळावर या भूकंपाची तीव्रता ३ रिश्टर स्केल एवढी नोंदिवण्यात आली.

केंद्रबिंदू नांदेड जिल्ह्यातील मुखेड तालुक्यातील खपराळ गावाजवळ या भूकंपाचा केंद्रबिंदू असल्याचे सांगण्यात आले. हा धक्का अतिसौम्य प्रकारातील असून, त्यामुळे कोठेही जीवित व वित्तहानी झाली नसल्याचे मुखेडच्या तहसीलदारांनी सांगितले.

गावात ज्या लोकांच्या घराचे छत पत्र्याचे आहे व त्यांनी पत्र्यावर आधारासाठी दगड ठेवले आहेत त्यांनी सुरक्षिततेचा भाग म्हणून त्वरित दगड काढून घ्यावेत व पत्रे बोल्टने फिट करून घ्यावीत. पुन्हा असा आवाज आलाच तर पटकन घराबाहेर मोकळ्या जागेत जमावे तसेच प्रशासनाला (०२४६२) २३५०७७ वर कळवावे, असे आवाहन जिल्हाधिकारी राहुल कर्डिले यांनी केले आहे.