Crime News : रागात चाकूने वार करुन आयकर निरीक्षकाचा मुलाकडून खून

लातूर जिल्ह्यातील खोपेगाव येथे मंगळवारी घरगुती वादातून व्यावसायाने आयकर निरीक्षक असणाऱ्या वडिलांचा मुलांनी खून केला.

Income Tax Inspector stabbed to death by son in anger

रागात चाकूने वार करुन आयकर निरीक्षकाचा मुलाकडून खून (छायाचित्र - AI Generated)

छत्रपती संभाजीनगर : लातूर जिल्ह्यातील खोपेगाव येथे मंगळवारी घरगुती वादातून व्यावसायाने आयकर निरीक्षक असणाऱ्या वडिलांचा मुलांनी खून केला. पोलिसांनी आरोपीस अटक केली आहे. प्राथमिक तपासात मृत आणि त्यांच्या पत्नीमध्ये घरगुती कारणावरून वाद सुरू असल्याचे निष्पन्न झाले आहे. वादात सुरू असताना दाम्पत्याचा मुलगा मध्ये पडला. त्यानंतर वडील आणि मुलामध्ये जोरदार शाब्दिक वाद झाला. रागाच्या भरात आरोपीने स्वयंपाकघरातील चाकूने वडिलांच्या छातीत वार केला. त्यात त्यांचा मृत्यू झाला. कृष्णकुमार संभाजी सन्मुख असे मृत व्यक्तीचे नाव असून शंतनू असे त्यांच्या मुलाचे नाव आहे.

ही घटना ३ फेब्रुवारी रोजी सकाळी सुमारे ९.४५ वाजता खोपीगाव येथील त्यांच्या राहत्या घरात घडल्याचे पोलिसांनी सांगितले. हे गाव लातूर ग्रामीण पोलीस ठाण्यापासून सुमारे सात किलोमीटर अंतरावर आहे. चाकूने वार केल्यानंतर घरातील सदस्यांनी आरडाओरड केली. अत्यधिक रक्तस्रावामुळे कृष्णकुमार यांचा मृत्यू झाला होता.

या प्रकरणी मृताचा धाकटा मुलगा समीर सन्मुखराव (वय २३) याने दुपारी लातूर ग्रामीण पोलीस ठाण्यात फिर्याद दिली. फिर्यादीत नमूद करण्यात आले आहे की, आईच्या वैद्यकीय उपचारांसाठी वडील पैसे देत नसल्याने आरोपी अस्वस्थ होता. तसेच कुटुंबाची योग्य काळजी घेतली जात नसल्याचा त्याचा आरोप होता. वाद वाढल्यानंतर शंतनूने घरातील भाजी कापण्याचा चाकू उचलून पुढील बाजूने मानेखाली वार करत वडिलांवर प्राणघातक हल्ला केला, असे फिर्यादीत म्हटले आहे.