छत्रपती संभाजीनगर – प्रती मतदानाचे प्रत्येकी एक हजार रुपये या प्रमाणे एका मतदारास बळेच पैसे देऊन व त्याच्याकडील आधार कार्ड व मतदान कार्ड जबरदस्तीने घेतल्याचा प्रकार जवाहरनगर पोलीस ठाण्याच्या हद्दीतील इंदिरानगर परिसरात नुकताच उघडकीस आला. या प्रकरणी पैसे देणारा व घेणाऱ्या मिळून दोन रिक्षालकाविरोधात सोमवारी मध्यरात्री गुन्हा दाखल करण्यात आला असून पोलीस व एफएसटी पथकाने दोघांना ताब्यात घेतल्याची माहिती पोलीस उपायुक्त नवनीत काँवत यांनी दिली.
इंदिरानगर मधील पटेल किराणा दुकानासमोर १६ नोव्हेंबर रोजी रात्री ११ वाजता अशोक रामभाऊ वाकुडे (वय ३८, रा. शंभुनगर) याने नदीम अहमद खान पठाण, (वय ४५ वर्षे, रा. पटेल किराणा दुकानासमोर) यास विधानसभा निवडणुक मध्ये कोणत्याही उमेद्वाराला मतदान करु नको म्हणून बळजबरीने त्याचा मतदान करण्याच हक्क हिरावून घेतला. त्या बदल्यात जबरदस्तीने दोन मतदान करीता दोन हजार रुपये दिले. तर नदीम अहमद खान पठाण व त्याची पत्नी याचे मतदान कार्ड व आधार कार्ड जबरदस्ती ताब्यात घेतले. त्यांना मतदान करण्यापासून परावृत्त केले.
हेही वाचा >>>छत्रपती संभाजीनगर: गंगापूरमधील अपक्ष उमेदवार दगडफेकीत जखमी
सोमवारी रात्री जवाहरनगर ठाण्याचे पोलीस निरीक्षक शरमाळे व एफएसटी पथकांचे रविकीरण जिजाभाऊ चव्हाण, जालिदंर जरा-हाड, प्रशिक भिवसेन व संदीप सुरडकर यांनी मतदान कार्ड व आधार कार्ड जमा करुन मतदान दिवशी मतदान केले नाही तर मतदान न करण्याचे दोन हजार रुपये देणा-या व मतदान करण्यास मज्जाव करणा-या अशोक वाकुडे व नदीम अहमद खान पठाण या दोघांना ताब्यात घेतले. या प्रकरणी गुन्हा दाखल केला.
