ऊसतोड मजुरांच्या वाहनाला अपघात, दोघांचा मृत्यू

ही घटना शुक्रवारी पहाटे सिल्लोड-कन्नड मार्गावरील धानोरा फाटय़ाजवळ घडली

औरंगाबाद : ऊसतोड मजुरांना बारामतीकडे घेऊन जाणारे वाहन रस्त्यात उभ्या ट्रकवर धडकून झालेल्या अपघातात एक महिलेसह दोघांचा मृत्यू झाला. तर एका बालकासह पाच जण जखमी झाले. जखमींवर सिल्लोड उपजिल्हा रुग्णालयात प्राथमिक उपचार करून औरंगाबाद येथील शासकीय वैद्यकीय महाविद्यालय व रुग्णालयात त्यांना हलवण्यात आले आहे. ही घटना शुक्रवारी पहाटे सिल्लोड-कन्नड मार्गावरील धानोरा फाटय़ाजवळ घडली. कल्पनाबाई इमाजी पवार (वय ३७) व प्रशांत विठ्ठल वाघ (वय ३६), अशी मृतांची नावे आहेत. कल्पनाबाई पवार या पाचोरा तालुक्यातील मोहाडी तांडा येथील तर प्रशांत वाघ हे सोलापूरच्या माळसिरस तालुक्यातील हनुमंतवाडी येथील रहिवासी असल्याची माहिती घटनेतील सिल्लोड ग्रामीण पोलीस ठाण्याचे तपासी अधिकारी रामेश्वर जाधव यांनी दिली. या घटनेत रुक्मिणबाई किसन पवार (वय ६०, रा. िपपळगाव तांडा), सागर किसन पवार (वय २०), अनिल गंगाराम तवत (वय २८), सुभाष ईदल राठोड (३२), नीलेश इमाजी पवार (वय ८) हे जखमी झाले. जखमींना मिच्छद्र पवार यांनी सिल्लोड उपजिल्हा रुग्णालयात दाखल केले. तेथे प्राथमिक उपचार करून औरंगाबादच्या घाटीत हलवण्यात आले. मृत व जखमींसह इतर २० ते २५  ऊसतोड मजूर हे पाचोरा तालुक्यातील असून ते ऊसतोडीसाठी बारामतीकडे एका कंटेनरमधून जात होते. धानोरा फाटय़ाजवळ रस्त्यात उभ्या असलेल्या एका मालमोटारीला कंटनेर धडकला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व औरंगाबाद बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Two sugarcane workers killed in road accident zws

Next Story
उद्धव ठाकरेंच्या दौऱ्यापूर्वी सेनेचे सर्व मंत्री मराठवाडय़ात
ताज्या बातम्या