2023 Hyundai Aura Facelift Launched: देशातील दुसरी आघाडीची कार उत्पादक कंपनी Hyundai Motor India ने ने आपली सब-कॉम्पॅक्ट सेडान कार ‘Hyundai Aura फेसलिफ्ट मॉडेल’ अनेक अपडेट्ससह लाँच केली आहे. ज्यामध्ये फीचर्ससह त्याच्या इंजिन आणि डिझाइनमध्ये काही बदल करण्यात आले आहेत. कंपनीने याआधीच अधिकृतरीत्या या कारचे बुकिंगही सुरू केले आहे. लवकरच या कारचे वितरणही सुरु होईल, असे कंपनीने सांगितले आहे.

Hyundai Aura मध्ये ‘असे’ करण्यात आले बदल

Hyundai च्या या अपडेटेड सेडानमध्ये ऑटो हेडलॅम्प, नवीन १५-इंच अलॉय व्हील, नवीन फ्रंट बंपर, ब्लॅक रेडिएटर ग्रिल, नवीन DRLs आहेत. त्यामुळे त्याचा लूक आधीच आकर्षक दिसत आहे. कंपनी सहा रंगांच्या पर्यायांसह ही कार सादर करणार आहे. ज्यामध्ये स्टाररी नाईट हा नवीन रंग म्हणून समाविष्ट केला जाईल.

आणखी वाचा
Efforts continue to rescue a six-year-old boy who fell into a borewell in Madhya Pradesh'
VIDEO : ४० फूट खोल बोअरवेलमध्ये अडकला चिमुकला, १२ तासांपासून आपत्कालीन प्रतिसाद दलाकडून शर्थीचे प्रयत्न
Mumbai road mastic, Mumbai potholes road,
मुंबई : खड्ड्यांना ‘मास्टिक’ची मलमपट्टी, प्रयोगांना सोडचिठ्ठी देत नव्या प्रशासनाचे जुन्या पद्धतीलाच प्राधान्य
navi mumbai, nerul, save Kandalvan protest, Cricket umpires, association, activate, environment, marathi news,
कांदळवन वाचवण्यासाठी क्रिकेट पंच संघटनाही सक्रिय, नेरुळच्या चाणक्य तलाव परिसरात आंदोलन
slums in Dharavi
धारावीतील बहुमजली झोपड्यांसाठी विकास नियंत्रण नियमावलीत विशेष तरतूद?
(Photo-financialexpress)

(हे ही वाचा : Hyundai ची जबरदस्त फीचर्सने भरलेली नवी कोरी कार ८० हजारात खरेदी करा, महिन्याला भरा ‘इतका’ EMI )

Hyundai Aura वैशिष्ट्ये

आतील वैशिष्ट्यांबद्दल बोलायचे तर, Hyundai ने त्यात अनेक वैशिष्ट्यांमध्ये बदल केले आहेत. सेडानमध्ये नवीन ३.५-इंचाचा ड्रायव्हर डिस्प्ले, अॅपल कारप्ले आणि अँड्रॉइड ऑटो सपोर्टसह ८-इंच टचस्क्रीन इन्फोटेनमेंट सिस्टम, वायरलेस चार्जिंग, USB-C प्रकारचा चार्जिंग पोर्ट मिळेल. त्याचबरोबर प्रवाशांच्या सुरक्षेसाठी त्यात चार एअरबॅग देण्यात येणार आहेत. याशिवाय दोन एअरबॅग स्वतंत्रपणे बसवण्याचाही पर्याय असेल. यासोबतच या कारमध्ये बर्गलर अलार्म, इलेक्ट्रॉनिक स्टॅबिलिटी कंट्रोल (ESC), व्हेईकल स्टॅबिलिटी मॅनेजमेंट, हिल असिस्ट कंट्रोल (एचएसी) आणि क्रूझ कंट्रोल सारखे फीचर्सही देण्यात आले आहेत.

(Photo-financialexpress)

इंजिन आणि पॉवर

Hyundai Aura 2023 sedan कारला १.२-L Kappa पेट्रोल इंजिन मिळेल. जे ५-स्पीड मॅन्युअल (MT) किंवा स्वयंचलित (AMT) ट्रान्समिशनशी जोडले जाईल. हे इंजिन ८३ PS ची कमाल पॉवर आणि ११३.८ Nm चा पीक टॉर्क निर्माण करण्यास सक्षम असेल. कारला CNG किटचा पर्याय देखील मिळेल, जो जास्तीत जास्त ६९ PS पॉवर आणि ९५.२ NM पीक टॉर्क निर्माण करण्यास सक्षम असेल. ह्युंदाईची ही कार मारुतीच्या सेडान कार डिझायरशी स्पर्धा करेल.

(हे ही वाचा : तगड्या फीचर्सनी भरलेल्या Maruti च्या कारची देशात धूम; ७ दिवसांतच मिळालं ५,००० हून अधिक बुकिंग )

Hyundai Aura किंमत

Hyundai Motor India ने देशात फेसलिफ्टेड Aura लाँच केली असून नवीन 2023 Hyundai Aura फेसलिफ्टची एक्स-शोरूम किंमत ६.३० लाख ते ८.८७ लाख रुपये आहे.