A big defect found in Mahindras car | Loksatta

अर्रर… महिंद्राच्या ‘या’ कारमध्ये आढळला मोठा दोष…! कंपनीने मागवली कार परत, आता होणार ‘हा’ नवीन बदल

महिंद्रा ही वाहनांच्या विक्रीच्या बाबतीत देशातली चौथी सर्वात मोठी वाहन निर्माती कंपनी आहे. मात्र, नुकतेच महिंद्राच्या एका कारमध्ये समस्या आढळून आली आहे.

अर्रर… महिंद्राच्या ‘या’ कारमध्ये आढळला मोठा दोष…! कंपनीने मागवली कार परत, आता होणार ‘हा’ नवीन बदल
Pic Credit-File Photo

महिंद्रा आणि महिंद्रा ही भारतीय वाहन निर्माती कंपनी सध्या बाजारात चांगली कामगिरी करत आहे. वाहनांच्या विक्रीच्या बाबतीत ही देशातली चौथी सर्वात मोठी वाहन निर्माती कंपनी आहे. सुरक्षित आणि दमदार कार्स ही महिंद्राची ओळख आहे. त्यामुळे महिंद्राचा एक वेगळा ग्राहकवर्ग आहे. मात्र, नुकतेच महिंद्राच्या थार आणि एक्सयूव्ही ७०० मध्ये दोष आढळून आले होते. यातच आता कंपनीच्या आणखी एका कारमध्ये समस्या आढळून आली आहे. मिळालेल्या माहितीनुसार, आता एक्सयूव्ही ३०० मध्ये त्रुटीची माहिती मिळाल्यानंतर ही कार परत मागवण्यात आली आहे. माहितीनुसार, कंपनीने एक्सयूव्ही ३०० चे पेट्रोल आणि डिझेल दोन्ही प्रकार परत मागवले आहेत.

हा दोष आढळला

मीडिया रिपोर्ट्सनुसार, एक्सयूव्ही ३०० मध्ये क्लच असेंबलीमध्ये दोष आहे. हा दोष पेट्रोल आणि डिझेल या दोन्ही प्रकारच्या इंधन प्रकारांमध्ये आढळतो. याव्यतिरिक्त, रिकॉल दरम्यान AC प्रणालीची CV कोर होज असेंबली देखील तपासली जाईल.

थार आणि एक्सयूव्ही ७००  देखील परत मागवण्यात आल्या

एक्सयूव्ही ३०० च्या आधी कंपनीने आणखी दोन एसयूव्ही परत मागवले आहेत. यामध्ये महिंद्राच्या एक्सयूव्ही ७०० आणि थारचा समावेश आहे. या दोन्ही एसयूव्ही परत मागवण्यात आल्या, कारण कंपनीला या वाहनांमध्ये टर्बोचार्जर बदलायचा होता. कंपनी एक्सयूव्ही ७०० च्या डिझेल प्रकारांवर टर्बो अॅक्ट्युएटर लिंकेज बदलत आहे. दुसरीकडे, पेट्रोल प्रकार परत मागवण्यात आला कारण कंपनीला त्यांच्या GVV पाईप आणि डब्याच्या टी-ब्लॉक कनेक्टरची तपासणी करायची होती.

आणखी वाचा : ‘Kawasaki W175’ दुचाकी बाजारपेठेत सादर; जाणून घ्या किंमत आणि फीचर्स

सर्व कारसाठी रिकॉल आवश्यक नाही

मीडिया रिपोर्ट्सनुसार, कंपनीने सर्व एक्सयूव्ही ३०० वाहने परत मागवली नाहीत. जर तुमच्याकडे महिंद्राची सब फोर मीटर एसयूव्ही असेल तर तुम्ही कंपनीच्या अधिकृत वेबसाइटवर जाऊन तपशील देऊन माहिती मिळवू शक ऑनलाइन माहिती घेण्यासोबतच, तुमची एसयूव्ही परत मागवली गेली आहे की नाही याची माहिती मिळवण्यासाठी तुम्ही जवळच्या सेवा केंद्रालाही भेट देऊ शकता.

रिकॉल दरम्यान भाग बदलण्यासाठी काही शुल्क द्यावे लागेल का?

जेव्हा जेव्हा एखादी कंपनी आपल्या कारचे कोणतेही मॉडेल रिकॉल करते तेव्हा विशिष्ट कारमध्ये दोष आढळल्यासच ते केले जाते. यानंतर, कंपनीच्या सेवा केंद्रात जाऊन तो दोष दूर करण्यासाठी ग्राहकाला कोणत्याही प्रकारे कोणतेही शुल्क द्यावे लागणार नाही. रिकॉलच्या वेळी तपासणी आणि दुरुस्ती कंपनीकडून पूर्णपणे मोफत केली जाते.

मराठीतील सर्व ऑटो ( Auto ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
केवळ ९ हजार रूपये देऊन घरी घेऊन जा Yamaha RayZR 125 Hybrid Base Variant, वाचा ऑफर

संबंधित बातम्या

२० सेकंदात बाईकचा स्पीड १६ kmph वरुन ११४ kmph वर गेला अन् दोघांचा मृत्यू झाला; धक्कादायक घटनाक्रम हेल्मेट कॅमेरात कैद
वाहतूक पोलीस तुमच्या गाडीची चावी आणि हवा काढू शकतात का? जाणून घ्या कायदा काय सांगतो
Electric Scooter Offer: सुवर्णसंधी! ‘या’ इलेक्ट्रिक स्कूटरवर मिळतोय तगडा डिस्काउंट; जाणून घ्या किती होणार तुमची बचत!
Hyundai कंपनीने भारतातील लोकप्रिय गाडी केली बंद; कारण…
Traffic Rule: ट्रॅफिक चलान जारी केल्यानंतरही पैसे भरावे लागणार नाहीत! हा महत्त्वाचा नियम एकदा वाचाच!

व्हिडिओ

ताज्या बातम्या
मतभेद बाजूला सारून लाडक्या लेकासाठी मलायका अरबाज आले एकत्र; नेटकरी म्हणाले…
पुणे : नवले पूल परिसरातील अपघात रोखण्यासाठी तात्पुरत्या उपाययोजना; प्रशासनाकडून आज प्रत्यक्ष पाहणी
अभिनेत्रींना मिळणाऱ्या कमी मानधनाबद्दल प्रियांका चोप्राने व्यक्त केली नाराजी; म्हणाली…
IND vs PAK: पाकिस्तान क्रिकेट संघाला मोठा धक्का, वर्ल्ड कपसाठी भारताने व्हिसा देण्यास दिला नकार
शिंदे सरकारला ‘नामर्द’ म्हणणाऱ्या राऊतांना शंभूराज देसाईंचा इशारा; म्हणाले, “तोंड आवरावं, अन्यथा पुन्हा…”