Best Mileage Cars India 2026: पेट्रोल-डिझेलचे दर सतत वाढत असल्याने वाहन चालवणं अनेकांसाठी महागडं ठरत आहे. अशा वेळी एकच प्रश्न सगळ्यांच्या मनात येतो, कमी खर्चात जास्त मायलेज देणारी कार कोणती? जर तुम्हीही याच विचारात असाल तर ही बातमी तुमच्यासाठीच आहे. २०२६ मध्ये भारतात अशा काही कार आहेत, ज्या फक्त किफायतशीरच नाहीत, तर जबरदस्त मायलेज देऊन खिशावरचा ताणही कमी करतात. शहरात रोजचा प्रवास असो किंवा लांबचा प्रवास, या कार तुमचं इंधन खर्च मोठ्या प्रमाणात वाचवू शकतात.

सर्वात आधी नाव घ्यावं लागेल मारुती सुझुकी सेलेरिओ (CNG)चं. ही सध्या देशातील सर्वाधिक मायलेज देणारी कार मानली जाते. तिचं मायलेज तब्बल ३५.६० किमी इतकं आहे. छोट्या कुटुंबासाठी आणि शहरातील गर्दीत ही कार अतिशय उपयुक्त ठरते.

त्यानंतर येते मारुती सुझुकी वॅगन आर (CNG). ‘टॉल बॉय’ डिझाइनमुळे ही कार जागेसाठी प्रसिद्ध आहे. याचं मायलेज सुमारे ३४.०५ किमी असून मेंटेनन्सही कमी आहे, त्यामुळे मध्यमवर्गीयांसाठी ही आवडती कार ठरते.

बजेटमध्ये कार शोधणाऱ्यांसाठी मारुती ऑल्टो K१० (CNG) उत्तम पर्याय आहे. याचं मायलेज ३३.८५ किमी असून किंमतही परवडणारी आहे. पहिली कार घेणाऱ्यांसाठी ही एक विश्वासार्ह निवड ठरते.

तसंच, मारुती एस-प्रेसो (CNG) ही कार तिच्या वेगळ्या लूकमुळे तरुणांना आकर्षित करते. हलकं वजन आणि चांगला इंजिन परफॉर्मन्स यामुळे ही कार सुमारे ३२.७३ किमी मायलेज देते.

स्टाईल आणि मायलेज दोन्ही हवे असतील तर मारुती स्विफ्ट (CNG) हा उत्तम पर्याय ठरतो. नव्या इंजिनमुळे ही कार सुमारे ३२.८५ किमी मायलेज देते आणि परफॉर्मन्सही चांगला मिळतो.

जर तुम्ही थोडं प्रीमियम पर्याय पहात असाल, तर टोयाटा अर्बन क्रूझर हायरायडर (हायब्रिड) तुमच्यासाठी आहे. ही कार २७.९७ किमी/लिटर मायलेज देते. शहरातील ट्रॅफिकमध्ये ही कार बराच वेळ इलेक्ट्रिक मोडवर चालते, ज्यामुळे इंधनाची मोठी बचत होते.

सुरक्षिततेला प्राधान्य देणाऱ्यांसाठी टाटा पंच (iCNG) हा उत्तम पर्याय आहे. ट्विन सिलेंडर टेक्नॉलॉजीमुळे बूट स्पेसही मिळतो आणि तिचे मायलेज सुमारे २६.९९ किमी आहे.

तसंच, टाटा टियागो (iCNG) ही प्रीमियम हॅचबॅक असून ती २६.४९ किमी मायलेज देते. चांगली बिल्ड क्वालिटी आणि इंधन बचत दोन्ही गोष्टी यात मिळतात.

आणि शेवटी, लक्झरी सेडान सेगमेंटमध्ये होंडा सिटी e:HEV (हायब्रिड) ही कार मायलेज आणि कम्फर्टचा उत्तम संगम आहे. ही कार सुमारे २७.१३ किमी/लिटर मायलेज देते.

शेवटी महत्त्वाचं काय?

कार खरेदी करताना फक्त किंमत नाही, तर मायलेज, मेंटेनन्स आणि तुमच्या गरजा यांचा विचार करणं गरजेचं आहे. योग्य कार निवडली तर तुम्ही केवळ पैसेच वाचवणार नाही, तर प्रवासही अधिक आरामदायी होईल.

आजच्या वाढत्या इंधन दरांमध्ये या कार खरोखरच ‘स्मार्ट चॉइस’ ठरू शकतात!