Ducati ची नवी सुपरबाइक भारतात लॉन्च; जाणून घ्या किंमत आणि वैशिष्ट्ये

डुकाटी इंडियाने (Ducati India) गुरुवारी आपली नवीन सुपरबाईक Panigale V4 SP देशात लॉन्च केल्याची घोषणा केली.

Ducati_superbike
Ducati ची नवी सुपरबाइक भारतात लॉन्च (Photo- Ducati India Twitter)

डुकाटी इंडियाने (Ducati India) गुरुवारी आपली नवीन सुपरबाईक Panigale V4 SP देशात लॉन्च केल्याची घोषणा केली. या सुपर बाईकचा रंग, व्हिल आणि टँक सर्वच आकर्षक असून लक्ष वेधून घेते. कंपनीने भारतातील तिच्या सर्व अधिकृत डीलरशिपवर नवीन Panigale V4 SP साठी बुकिंग सुरू केले आहे. त्याची डिलिव्हरीही लगेच सुरू होणार आहे. नवीन डुकाटी Panigale V4 SP सुपरबाइकची भारतीय बाजारपेठेत एक्स-शोरूम किंमत ३६ लाख ७ हजार रुपये ठेवण्यात आली आहे.

नवीन Ducati Panigale V4 SP चे फिचर्स Panigale V4 S पेक्षा वेगळे आहेत. सुपरबाईकमध्ये डेडिकेटेड लाइवरी, बिलेट-मेकॅनाइज्ड स्टीयरिंग हेड, स्वतंत्र उपकरणे आणि रेस-ट्यून केलेले इंजिन आहे. बाइक नवीन “विंटर टेस्ट” लायवरीसह आहे. MotoGP आणि SBK चॅम्पियनशिपच्या प्री-सीझन चाचणीमध्ये वापरल्या गेलेल्या डुकाटी कोर्स बाइकपासून प्रेरित आहे. या वैशिष्ट्यांमुळेच Panigale V4 S पेक्षा वेगळी आहे. या बाईकला १,१०३ सीसी Desmosedici Stradale इंजिन आहे. हे मोटोजीपीकडून प्राप्त डेस्मोड्रोमिक वितरणासह ९० डिग्री V4 इंजिन आहे. हे इंजिन १३ हजार rpm वर २१४ hp ची कमाल पॉवर आणि ९ हजार ५०० rpm वर १२.६ Kgm पीक टॉर्क जनरेट करते.

कार्बन फ्रंट मडगार्ड आणि बिलेट अ‍ॅल्युमिनियममधील अ‍ॅडजस्टेबल रायडर फूटपेगचा समावेश आहे. सीटवरील रायडरच्या स्थितीनुसार फूटपेग सेट केला जाऊ शकतो. लांब पल्ल्याच्या प्रवासाठी बाइकमध्ये ओपन कार्बन क्लच कव्हर, लायसन्स प्लेट होल्डर आणि आरसे काढण्यासाठी कॅप अशा सुविधा देण्यात आल्या आहेत. यासोबतच डुकाटी डेटा अ‍ॅनालायझर+ (DDA+) टेलिमेट्री किट जीपीएस मॉड्यूलसह ​​आहे. यामुळे चालकाला मार्गिकेचे व्यवस्थित नियोजन करता येते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ducati india launch superbike panigale v4 sp rmt

Next Story
आता ‘विना बॅटरी’ इलेक्ट्रिक स्कूटर विकत घेऊ शकता; भारतीय कंपनीने आणली नविन स्कीमBounce_Electric_Scooter
ताज्या बातम्या