scorecardresearch

Car and Bike Mileage: आता व्हा टेन्शन फ्री! तुमच्या कार आणि बाईकचं मायलेज वाढणार, फॉलो करा ‘या’ सोप्या टिप्स

आज आम्ही तुम्हाला अशा काही टिप्स देणार आहोत ज्याच्या मदतीने तुम्ही आपल्या कारचे किंवा बाईकचे मायलेज वाढवू शकणार आहात.

Car and Bike Mileage: आता व्हा टेन्शन फ्री! तुमच्या कार आणि बाईकचं मायलेज वाढणार, फॉलो करा ‘या’ सोप्या टिप्स
तुमच्या कारचा आणि बाईकचा मायलेज वाढवण्यासाठी करा हे काम. (File-Photo)

Car and Bike Mileage: पेट्रोलचे दर सातत्याने वाढत आहेत. अशा परिस्थितीत जास्त मायलेज देणारी वाहने लोकांचे लक्ष वेधून घेत आहेत. सलग पेट्रोल आणि डिझेलच्या किंमतीत होणारी वाढ सर्वसामान्यांसाठी चिंताजनक बाब आहे. त्यामुळे सर्वसामान्य माणूस इंधन वाचवण्यासाठी शक्य तो प्रयत्न करतांना दिसत आहे. इंधन वाचवण्यासाठी अधिक मायलेज असणाऱ्या गाड्या वापरणं हा उत्तम पर्याय आहे. जर तुमची कार अचानक कमी मायलेज देत असेल तर तुम्हाला चिंता करण्याची गरज नाही. कारण, आज आम्ही तुम्हाला काही सोप्या पद्धतींचा अवलंब करून आपल्या कारचे किंवा बाईकचे मायलेज कसे वाढवता येऊ शकते, यासाठी काही उपाय सांगणार आहोत.

‘असे’ वाढवा तुमच्या कारचे किंवा बाईकचे मायलेज

इंधन बदल

गाडी एक ठराविक अंतर चालल्यानंतर गाडीची तपासणी करणे आवश्यक असते. तसेच ठराविक कालवधी नंतर गाडीतील इंधन बदल करणं गरजेच असते.

कार सर्विस

कारच्या सर्विसचा गाडीच्या मायलेजवर चांगला परिणाम पडतो. कारची सर्विस केल्यानंतर इंजिन चांगले काम करते.

(आणखी वाचा : Second Hand Bike: अरे वा! फक्त १५ हजारात घरी आणा ‘ही’ १ लाखाची बाईक; मिळेल जबरदस्त मायलेज आणखी बरंच काही )

गरजेनुसार वाहन सुरु ठेवणे

वाहतूक कोंडी किंवा कुणाची वाट बघत असतांना अनेकदा गरज नसतांना आपण वाहन सुरु ठेवतो. पण असे केल्यास गाडीचा मायलेज कमी होतो आणि तुमची गाडी अधिक इंधन वापरते.

क्रुझ कंट्रोलचा वापर

हल्ली अत्याधुनिक वाहनांत मोठ्या प्रमाणावर क्रुझ कंट्रोल सुविधेचा वापर होतांना दिसतो. क्रुझ कंट्रोल सुविधेच्या मदतीने गाडीची वेगमर्यादा निश्चित करता येते. क्रुझ कंट्रोलमुळे गाडीला चांगला मायलेज मिळायला मदत होते.

कारची स्पीड

जर तुम्हाला जास्त मायलेज हवे असेल तर आपली कार ४५ ते ६० या किलोमीटर प्रति वेगाने गाडी चालवा. या स्पीडमध्ये सर्वात जास्त रेंज देते. कारला जास्त वेगाने आणि कमी हळून चालवल्याने मायलेज कमी होते.

(आणखी वाचा : मस्तच! तरुणांना वेड लावणारी ‘ही’ जबरदस्त क्रूझर बाईक फक्त २ हजारात बुक करा; फीचर्समध्ये आहे टाॅपवर, जाणून घ्या बाईकची खासियत )

योग्य गियर वापरा

वाहन चालवताना लोअर गियर वापरा आणि हळूहळू तो वाढवा. यामुळे इंजिनवर ताण येत नाही. वाहनच्या इंजिननुसार गिअर देखील वापरावे. १५० सीसी इंजिन असणार्‍या वाहनास ५५ किमी प्रति तासाच्या वेगाने थर्ड गिअरने चालवले जावे. यावर जाण्याने इंजिनवर ताण येईल जे माइलेजवर परिणाम करेल.

जीपीएस वापर

जीपीएसच्या वापरामुळे वाहनचे मायलेज वाढवण्यात मदत होऊ शकते. कोणत्या मार्गावर जास्त ट्रॅफिक आहे हे शोधण्यासाठी जीपीएसचा वापर होऊ शकतो. जीपीएसद्वारे कमी अंतराचा रुट शोधला जाऊ शकतात. यामुळे वाहनाचे मायलेजही वाढते.

मराठीतील सर्व ऑटो ( Auto ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 04-12-2022 at 19:35 IST

संबंधित बातम्या