नवीन वर्षाच्या सुरुवातीसह, देशातील आघाडीची दुचाकी उत्पादक कंपनी होंडा टू-व्हीलर्स आपल्या दुचाकी श्रेणीवर आकर्षक ऑफर देत आहे. कंपनीने आपल्या लोकप्रिय स्कूटर Activa ते मोटरसायकल Shine या विस्तृत श्रेणीवर उत्तम फायनान्स ऑफर आणल्या आहेत. या अंतर्गत, अत्यंत कमी डाऊन पेमेंटवर दुचाकी फायनान्स मिळण्याव्यतिरिक्त, ग्राहकांना कॅशबॅकचा लाभ देखील मिळेल. चला तर जाणून घेऊया काय आहे हा भन्नाट ऑफर. 'असा' आहे ऑफर Honda च्या अधिकृत वेबसाइटवर दिलेल्या माहितीनुसार, ग्राहक फक्त ३,९९९ रुपयांचे डाउन पेमेंट भरून टू-व्हीलर फायनान्सचा लाभ घेऊ शकतात. याशिवाय, ग्राहक ५,००० रुपयांचा कॅशबॅक आणि ७.९९ टक्के व्याजदर देखील घेऊ शकतात. ही ऑफर कंपनीच्या निवडक मॉडेल्स आणि ग्राहकांसाठी दिली जात आहे, जी ८ जानेवारी २०२३ पर्यंत वैध आहे. ही सुविधा निवडलेल्या वित्त भागीदारांद्वारे (बँका) प्रदान केली जाईल. अशीही अट आहे की, एका ग्राहकासाठी दोन मॉडेल्स एकत्रितपणे समाविष्ट केले जाणार नाहीत आणि सर्व अॅक्सेसरीज या ऑफरचा भाग नाहीत. (हे ही वाचा : नवी कोरी चमकणारी Maruti ची ‘ही’ 7 सीटर कार आता २ लाखात होईल तुमची; जाणून घ्या Finance Plan) Honda Activa 'अशी' आहे खास Honda Activa हे कंपनीचे सर्वाधिक विकले जाणारे मॉडेल आहे. ही स्कूटर ११० cc आणि १२५ cc अशा दोन वेगवेगळ्या इंजिन पर्यायांसह बाजारात उपलब्ध आहे. कंपनीने या स्कूटरमध्ये ACG स्टार्टर मोटर दिली आहे, जी इंजिन किल स्विच तंत्रज्ञानासह येते. ब्रेकिंगसाठी, यात १३०mm ड्रम ब्रेक आणि कॉम्बी ब्रेकिंग सिस्टम (CBS) देण्यात आले आहे. या स्कूटरची किंमत ७३,१७६ रुपये ते ७६,६७७ रुपये (एक्स-शोरूम, दिल्ली) आहे. Honda Shine 'अशी' आहे खास जर तुम्ही चांगली परफॉर्मन्स बाईक घेण्याचा विचार करत असाल तर तुमच्यासाठी Honda Shine हा एक चांगला पर्याय असू शकतो. यामध्ये, कंपनीने सिंगल सिलेंडर १२४cc एअर-कूल्ड फ्युएल इंजेक्टेड इंजिन वापरले आहे जे १०.७PS पॉवर आणि ११Nm टॉर्क जनरेट करते. या बाईक किंमत ७७,५९२ रुपये ते ८३,०९२ रुपये (एक्स-शोरूम, दिल्ली) पर्यंत आहे. टिप: वाहनांच्या सवलतीबद्दल सांगितले तपशील कंपनीच्या अधिकृत वेबसाइटवर दिलेल्या माहितीनुसार आहे. हे देशातील निवडक डीलरशिपवरच उपलब्ध आहे, त्यामुळे ऑफरबद्दल संपूर्ण तपशीलांसाठी तुमच्या जवळच्या डीलरशीपशी संपर्क साधा.
