Kia Carnival Booking Open: भारतीय ऑटोमोबाईल हे क्षेत्र एवढे मोठे आहे की, त्यात आपल्या कारचा दबदबा राहावा यासाठी अनेक ऑटोमोबाईल उत्पादक कंपन्या प्रयत्न करीत असतात. तसेच आपल्याकडे अशा अनेक परदेशी कार उत्पादक कंपन्या आहेत की, ज्यांनी या क्षेत्रात आपले वर्चस्व निर्माण केले आहे. त्यातीलच एक विदेशी कंपनी म्हणजे किया मोटर्स. ३ ऑक्टोबरला किया आपली नवीन Carnival कार लाँच करणार आहे. त्यासाठी कंपनीकडून तयारीही सुरू झाली आहे. आता कंपनीने नवीन कार्निवल एमपीव्हीचे बुकिंग सुरू केली आहे. नवीन Kia कार्निवलमध्ये कोणती फीचर्स असतील हे आपण सविस्तरपणे जाणून घेऊ.
Kia Carnival कलर ऑप्शन
नवीन कार्निव्हल फक्त एकाच पूर्ण लोड व्हेरियंटमध्ये लाँच केली जाईल. रंगपर्यायांबद्दल बोलायचे झाले, तर ही कार दोन किंवा तीन रंगांमध्ये उपलब्ध केली जाऊ शकते. त्यापैकी पांढरा व काळा हे दोन रंग अपेक्षित आहेत.
Kia Carnival फीचर्स
नवीन कार्निव्हल कार सादर होण्यापूर्वीच तिच्या सर्व फीचर्सची माहिती कंपनीच्या अधिकृत वेबसाइटवर देण्यात आली आहे. या लक्झरी MPV मध्ये अनेक उत्तम फीचर्स दिली जातील. त्यामध्ये ड्युअल सनरूफ, १२.३ इंच वक्र डिस्प्ले, ३६० डिग्री कॅमेरा, स्मार्ट पॉवर स्लायडिंग डोअर, मागील एलईडी कॉम्बिनेशन लॅम्प, फ्रंट एलईडी फॉग लॅम्प, १२ स्पीकर्ससह बोस प्रीमियम साउंड सिस्टीम, वायरलेस फोन चार्जर, हेड फीचर्स यांचा समावेश आहे. हेड-अप डिस्प्ले, १८ इंच अलॉय व्हील्स, तीन झोन फुली ऑटोमॅटिक टेम्परेचर कंट्रोल, आठ एअरबॅग्ज इत्यादी फीचर्सचा समावेश आहे.
Kia Carnival : किंमत काय
भारतात सादर होणाऱ्या कार्निव्हलची किंमत सुमारे ४५ ते ५० लाख रुपयांपासून सुरू होण्याची अपेक्षा आहे. भारतात ती इनोव्हा हायक्रॉस आणि टोयोटा वेलफायरशी स्पर्धा करताना दिसणार आहे.
