scorecardresearch

महिंद्राच्या ग्राहकांना मोठा झटका! लोकप्रिय SUV बोलेरो झाली महाग, जाणून घ्या किंमतीत झाला किती बदल

देशातील नामवंत वाहन निर्माता कंपनी महिंद्राने लोकप्रिय एसयूव्ही बोलेरोच्या किंमतीत वाढ केली आहे.

महिंद्राच्या ग्राहकांना मोठा झटका! लोकप्रिय SUV बोलेरो झाली महाग, जाणून घ्या किंमतीत झाला किती बदल
Photo – financialexpress

देशातील नामवंत वाहन निर्माता कंपनी महिंद्राने लोकप्रिय एसयूव्ही बोलेरोच्या किंमतीत वाढ केली आहे. त्यांच्या सर्वाधिक विकल्या जाणार्‍या एसयूव्ही बोलेरोच्या किमती २२ हजार रुपयांनी वाढवल्या आहेत.

अशा एसयूव्ही मॉडेल लाइनअप B4 आणि B6 प्रकारांमध्ये येते ज्यांच्या किमतीत अनुक्रमे रु. २०,७०१ आणि रु. २२ हजार अशी वाढ झाली आहे. वाहन निर्मात्याने महिंद्रा बोलेरो निओ N4, N10 आणि N10 (O) च्या किमती अनुक्रमे रु. १८,८००, रु. २१,००७ आणि रु. २०,५०२ ने वाढवल्या आहेत. अलीकडेच, दोन्ही एसयूव्ही ब्रँड नवीन ट्विन पीक्स लोगोसह डीलरशिपवर पोहोचल्या आहेत जे फ्रंट ग्रिल, व्हील हब कॅप, टेलगेट आणि स्टीयरिंग व्हीलवर दिसतात.

(आणखी वाचा : होंडा अ‍ॅक्टिव्हा स्कूटरचा बाजारपेठेत दबदबा! ३० दिवसांत विकल्या ‘इतक्या’ गाड्या )

इंजिन

  • महिंद्रा बोलेरो १.५-लिटर डिझेल इंजिनसह येते. हे इंजिन ७५ bhp पॉवर आणि २१० एनएम  पीक टॉप जनरेट करते. महिंद्रा बोलेरो निओ १.५-लिटर डिझेल इंजिन उपलब्ध आहे. हे इंजिन १०० bhp पॉवर आणि २४० एनएम टॉर्क जनरेट करते. दोन्ही मॉडेल्सना ५-स्पीड मॅन्युअल गिअरबॉक्स मिळेल.
  • येत्या काही महिन्यांत, देशांतर्गत ऑटोमेकर महिंद्रा थारच्या २.२-लीटर mHawk डिझेल इंजिन आणि दोन गिअरबॉक्स पर्यायांसह महिंद्रा बोलेरो निओ प्लस सादर करेल. तथापि, तीन-पंक्ती SUV महिंद्रा बोलेरो निओ प्लससाठी इंजिन डी-ट्यून केले जाऊ शकते.

महिंद्रा आणणार नवीन एसयूव्ही

महिंद्रा एक नवीन एसयूव्ही आणणार आहे. महिंद्रा बोलेरो निओ प्लस ७-सीटर आणि ९-सीटर कॉन्फिगरेशनमध्ये, ४-सीटर आणि रूग्णांच्या बेडसह अॅम्ब्युलन्स आवृत्तीसह उपलब्ध केले जाईल. P४ आणि P१० असे दोन प्रकार असतील ज्यांची किंमत अनुक्रमे १० लाख आणि १२ लाख रुपये असेल. एसयूव्हीची लांबी ४४०० मिमी, रुंदी १७९५ मिमी आणि उंची १८१२ मिमी असेल. त्याची व्हीलबेस लांबी २६८० मिमी आहे.

बोलेरो निओ प्लस नंतर, कंपनी महिंद्रा XUV४०० इलेक्ट्रिक एसयूव्ही आणणार आहे जी जानेवारी २०२३ मध्ये येणार आहे. ही ब्रँडची पहिली शुद्ध इलेक्ट्रिक एसयूव्ही असेल जी ३९.५kWh बॅटरी पॅकसह १४८ bhp पॉवर आणि ३१० Nm टॉर्क देईल.

मराठीतील सर्व ऑटो ( Auto ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mahindras popular suv bolero has become expensive pdb

ताज्या बातम्या