Tips For Riding Two-Wheelers During Monsoon : उन्हाळा असो वा पावसाळा बाईक किंवा स्कूटर चालवताना तुम्हाला त्याच्या टायर्सची खूप काळजी घ्यावी लागते. कारण गाडी चालवताना टायर फुटणे हा एक भयानक अनुभव असतो. तुम्ही अनेकदा असे ऐकले असेल की, टायर फुटल्यामुळे झालेल्या अपघातामुळे चालकाने जीव गमावला. त्यामुळे गाडी चालवताना टायर फुटू नये यासाठी बाईकचे टायर नियतमितपणे तपासणे, त्यात हवा योग्य प्रमाणात ठेवणे, सुरक्षित वेगाने गाडी चालवणे आणि काळजीपूर्वक चालवणे महत्त्वाचे आहे. आज आम्ही तुम्हाला काही गोष्टी सांगणार आहोत, ज्या तुम्ही बाईक किंवा स्कूटर चालवताना लक्षात ठेवल्या पाहिजेत, ज्यामुळे तुम्हाला टायर फुटण्याची घटनादेखील टाळता येईल.

या कारणांमुळे फुटते बाईकचे टायर

१) खराब झालेले टायर

बाईकच्या टायरच्या लेअर हळूहळू झिजत जातात. जेव्हा टायर खूप खराब होतो तेव्हा त्यात छिद्र किंवा क्रॅक होऊ शकतात, ज्यामुळे हवा बाहेर जाऊ शकते आणि टायर फुटू शकतो. तीक्ष्ण दगड, खड्डे किंवा इतर तीक्ष्ण वस्तूंमुळे टायरला कट जातो किंवा पंक्चर होऊ शकतात. जास्त फुगलेल्या टायर्समध्ये जास्त दाब असतो, ज्यामुळे ते खडबडीत रस्त्याच्या पृष्ठभागासाठी अधिक संवेदनशील बनतात, असे टायर फुटण्याची शक्यता अधिक असते. कालांतराने रबर टायर खराब होतात आणि कमी लवचिक होतात. जुने टायर फुटण्याची शक्यता अधिक असते.

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Monsoon bike driving tips monsoon bike driving tips why does bike or scooter tyre burst the prevention will save your life during riding sjr