Ola Cab या कंपनीने २०१७ मध्ये Ola Electric या नव्या विभागाची स्थापना केली होती. बंगळुरूमध्ये स्थित ओला इलेक्ट्रिकद्वारे फेब्रुवारी २०२३ मध्ये त्यांच्या S1 सीरीजमधील नव्या अपडेटेड ई-स्कूटर्सचे वेरिएंट्स लोकांसमोर सादर केले होते. ओला इलेक्ट्रिकच्या S1 सीरीजमध्ये S1 Air, S1 आणि S1 Pro यांचा समावेश आहे. EV वाहनांची आवड असलेल्या लोकांमध्ये या ई-स्कूटरच्या लॉन्चबाबत मोठी उत्सुकता होती. नुकतंच ओला इलेक्ट्रिकचे मुख्य कार्यकारी अधिकारी भावीश अग्रवाल यांनी कंपनीच्या सर्वात स्वस्त अशा Ola S1 Air ची डिलिव्हरी जुलै महिन्यापासून सुरु होणार असल्याची घोषणा केली.

या बातमीसह सर्व प्रीमियम कंटेंट वाचण्यासाठी साइन-इन करा

भावीश यांनी त्यांच्या सहकाऱ्यांसह या ई-स्कूटरची चाचणी केली. या संबंधित ट्वीट त्यांनी काही दिवसांपूर्वी शेअर केले. त्यात त्यांनी Ola S1 Air बरोबरचा फोटो देखील जोडला. “पहिल्या S1 Air वाहनांची यशस्वी टेस्ट ड्राइव्ह!! जुलैमध्ये तुमच्या भेटीला येत आहे.” असे कॅप्शन त्यांनी ट्वीटला दिले.

Ola S1 Air मध्ये 2, 3 आणि 4 kWh बॅटरी पॅकचा समावेश करण्यात आला आहे. एकदा चार्ज केल्यावर ही गाडी अनुक्रमे ८५, १२५ आणि १६५ किमी रायडिंग रेज देतील असा दावा कंपनीने केला आहे. या स्कूटरमध्ये इको, नॉर्मल आणि स्पोर्ट्स असे तीन रायडिंग मोड आहेत.

Ola S1 Air: परफॉर्मन्स आणि चार्जिंग टाइम

ओला इलेक्ट्रिकच्या S1 Air मध्ये 4.5 kW ची इलेक्ट्रिक मोटर आहे. स्कूटरचा टॉप स्पीड 85 kmph आहे. रेग्यूलर चार्जर वापरुन ४.५ ते ६.५ तासांमध्ये ही स्कूटर पूर्णपणे चार्ज होऊ शकते असा दावा कंपनीने केला आहे. यामध्ये MoveOS 3.0 कनेक्टिव्हिटीसह 7.0-इंचाचा TFT टचस्क्रीन डिस्प्ले बसवण्यात आला आहे.

आणखी वाचा – BMW ने लॉन्च केली ‘ही’ शानदार कार; ४.५ सेकंदात पकडते तब्बल १०० किमीचा वेग, जाणून घ्या किंमत

Ola S1 Air ची किंमत

Ola S1 Air ची Ex-showroom किंमत ८४,९९९ ते १.१० लाख रुपये इतकी आहे. या ई-स्कूटरची बुकींग काही महिन्यांपूर्वी सुरु झाली आहे. जुलै २०२३ मध्ये या EV दुचाकीच्या डिलीव्हरीला सुरुवात होणार आहे. ओला इलेक्ट्रिकच्या या स्कूटरमुळे Okinawa, Hero Electric आणि इतर ई-स्कूटर्ससमोर आव्हान निर्माण झाले आहे.

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ola s1 air e scooter to start deliveries in july 2023 ola electrics ceo bhavish agarwal made the announcement through twitter know more yps
First published on: 27-05-2023 at 14:47 IST