भारतात कारच्या तुलनेत मोटारसायकलींना सर्वाधिक पसंती मिळते. त्यात स्वस्त आणि दिसण्यास आकर्षक असलेल्या मोटारसायकलींचा खप सर्वाधिक आहे. तर मायलेज चांगला असल्यास डोळे बंद करून मोटारसायकल खरेदी केली जाते. सध्या भारतीय बाजारात ३ मोटारसायकलींचा बोलबाला आहे. आकर्षक लूक आणि मायलेजमुळे या मोटारसायकलींना पसंती दिली जात आहे. त्याचबरोबर खिशाला परवडणारी मोटारसायकल असल्याने सर्वसामान्य खरेदी करत आहेत. मोटारसायकलींची किंमत ५१ हजार रुपयांपासून सुरु होते. Hero HF 100 हीरो एचएफ १०० बाईकमध्ये ९७.२ सीसी इंजिन आहे, जे ८.३६ पीएस पॉवर आणि ८.०५ एनएम टॉर्क जनरेट करते. यासोबतच फ्रंट आणि रियर ड्रम ब्रेकसह इंटिग्रेटेड ब्रेकिंग सिस्टम, अॅनालॉग स्पीडोमीटर आणि ओडोमीटर, मॅन्युअल ट्रान्समिशन, ४ स्पीड गिअरबॉक्स, एक्ससेन्स टेक्नॉलॉजी, हॅलोजन हेडलाइट आणि बल्ब टेल लाइट आणि टेल सिग्नल लॅम्प यांसारखे फिचर्स कंपनीने दिले आहेत. मायलेज: ७० किलोमीटरपर्यंत प्रति लिटरसुरुवातीची किंमत: ५०,९०० रुपये Bajaj CT100 बजाजच्या Bajaj CT100 बाइकला १०२ सीसी इंजिन देण्यात आले आहे. जे ७.९ पीएस पॉवर आणि ८.३४ एनएम टॉर्क जनरेट करते. यासोबतच फ्रंट ड्रम ब्रेक आणि रियर ड्रम ब्रेक विथ कॉम्बी ब्रेक सिस्टिम, अॅनालॉग स्पीडोमीटर आणि ओडोमीटर, मॅन्युअल ट्रान्समिशन, ४ स्पीड गिअरबॉक्स, हॅलोजन हेडलाइट आणि बल्ब टेल लाइट आणि टेल सिग्नल लॅम्प यासारखे फिचर्स दिले आहेत.मायलेज: ८९.५ किलोमीटरपर्यंत प्रति लिटरसुरुवातीची किंमत: ५३,६९६ रुपये TVS Sport टीव्हीएस स्पोर्ट बाईकमध्ये १०९.७ सीसी इंजिन आहे. जे ८.२९ पीएस पॉवर आणि ८.७ एनएम टॉर्क जनरेट करते. यासोबतच या बाईकमध्ये फ्रंट ड्रम ब्रेक आणि सिंक्रोनाइज्ड ब्रेकिंग सिस्टीमसह रियर ड्रम ब्रेक, अॅनालॉग स्पीडोमीटर आणि ओडोमीटर, मॅन्युअल ट्रान्समिशन, ४ स्पीड गिअरबॉक्स, एअर फिल्टर, गियर शिफ्ट पॅटर्न, इकोनोमीटर, हॅलोजन हेडलाइट आणि बल्ब आहेत.मायलेज: ७६.४ किलोमीटरपर्यंत प्रति लिटरसुरुवातीची किंमत: ५८,१३० रुपये