top 5 electric cars sold in india know on which position tata nexon and tigor prp 93'या' आहेत देशात विकल्या जाणाऱ्या टॉप ५ इलेक्ट्रिक कार | | Loksatta

‘या’ आहेत देशात विकल्या जाणाऱ्या टॉप ५ इलेक्ट्रिक कार

इलेक्ट्रिक कार सेगमेंटमध्ये टाटा मोटर्सचा वाटा ९६.२६ टक्के आहे. त्यानंतर इतर काही कंपन्या या सेगमेंटमध्ये त्यांचे कार विकतात. जाणून देशातील सर्वाधिक विकल्या जाणाऱ्या टॉप ५ इलेक्ट्रिक कार कोणत्या आहेत?

‘या’ आहेत देशात विकल्या जाणाऱ्या टॉप ५ इलेक्ट्रिक कार

इलेक्ट्रिक कार सेगमेंटमध्ये टाटा मोटर्स ही भारतातील सर्वाधिक विक्री करणारी कंपनी राहिली आहे. Tata Mothers ने फेब्रुवारी २०२२ मध्ये Tata Nexon EV आणि Tigor च्या २,२६४ युनिट्सची विक्री केली आहे. इलेक्ट्रिक कार सेगमेंटमध्ये टाटा मोटर्सचा वाटा ९६.२६ टक्के आहे. त्यानंतर इतर काही कंपन्या या सेगमेंटमध्ये त्यांचे कार विकतात. गेल्या वर्षीच्या तुलनेत, फेब्रुवारी २०२२ मध्ये, Tata Motors ने Nexon EV आणि Tigor EV च्या विक्रीत ४२१ टक्क्यांनी वाढ केली आहे. गेल्या वर्षी टाटा मोटर्सने Nexon EV आणि Tigor EV च्या एकूण ४३४ युनिट्सची विक्री केली.

तर फेब्रुवारी २०२२ मध्ये, टाटा मोटर्सने या दोन्ही इलेक्ट्रिक कारच्या २,२६४ युनिट्स विकल्या आहेत. Tata Tigor EV गेल्या वर्षी ११.९९ लाख रुपयांच्या मूळ किंमतीत लॉन्च करण्यात आला होता. जागतिक NCAP कार क्रॅश रेटिंगमधील सर्वात सुरक्षित कार कोणती आहे, तर या कारला एका चार्जमध्ये ३०६ किमी चालविण्याचे ARAI द्वारे प्रमाणित केले आहे. तसंच, Tata Nexon 2020 मध्ये १३,९९ लाख रुपयांच्या मूळ किंमतीत लॉन्च करण्यात आला होता. या कारला एका चार्जमध्ये ३१२ किमीच्या ड्रायव्हिंग रेंजसाठी ARAI ने प्रमाणित केले होते.

आणखी वाचा : २५ ते ३५ हजारांच्या बजेटमध्ये मिळतेय ही ‘स्कूटर’

MG ZS EV – टाटा मोटर्सच्या Nexon आणि Tigor EV नंतर, जर कोणती इलेक्ट्रिक कार सर्वात जास्त विकली गेली असेल तर ती MG मोटर्सची ZS EV आहे. फेब्रुवारीमध्ये MG मोटर्सच्या ZS EV च्या ३८ युनिट्सची विक्री झाली आहे. MG Motors च्या मते, कंपनीच्या विक्रीत फेब्रुवारी २०२२ मध्ये मागील वर्षाच्या तुलनेत घट झाली आहे. गेल्या वर्षी कंपनीने ZS EV चे ९० युनिट्स विकले होते. MG Motors ने ZS EV २१.९९ लाखांच्या मूळ किमतीत लॉन्च केले आणि ही इलेक्ट्रिक SUV एका चार्जवर ४६१ किमीची रेंज देते.

Mahindra eVerito – महिंद्रा अँड महिंद्राची पहिली इलेक्ट्रिक कार eVerito फेब्रुवारी २०२२ मध्ये १२ युनिट्ससाठी विक्रीला आली. महिंद्रा यावर्षी आपल्या तीन इलेक्ट्रिक कार लॉन्च करण्याच्या तयारीत आहे. eKUV100 चा समावेश आहे.

आणखी वाचा : Royal Enfield Scram 411 लॉन्चिंग डेट जाहीर, जाणून घ्या किती दमदार असेल ही बाईक?

BYD e6 – चीनची इलेक्ट्रिक कार निर्माता कंपनी BYD ची e6 ही इलेक्ट्रिक MPV आहे, तिला तीन रॉ मध्ये सीटींग देण्यात आली आहे. फेब्रुवारी २०२२ मध्ये, या इलेक्ट्रिक MPV च्या १० युनिट्सची भारतात विक्री झाली. BYD e6 मध्ये, कंपनीने ७१.१ kw ब्लेडची बॅटरी दिली आहे जी या इलेक्ट्रिक MPV ला एका चार्जवर ५०० किमी पर्यंतची रेंज देते. त्याचबरोबर ही कार डीसी फास्ट चार्जरच्या सपोर्टने अवघ्या १.५ तासांत पूर्ण चार्ज होऊ शकते.

मराठीतील सर्व ऑटो ( Auto ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 11-03-2022 at 19:34 IST
Next Story
Ukraine-Russia war: रशियाच्या ‘त्या’ निर्णयाने ऑटो क्षेत्रात खळबळ, उत्पादनावर परिणाम होण्याची भीती