TVS मोटर्सने आपल्या Apache RTR 160 आणि RTR 180 चे अपडेटेड वर्जन भारतात लॉंच केले आहे. या दोन्ही बाईकमध्ये केलेल्या मोठ्या बदलांमध्ये कंपनीने दोन्ही बाईकचे वजन कमी करून त्यांची पॉवर वाढवली आहे. यामध्ये Apache RTR 160 चे वजन २ किलोने आणि Apache RTR 180 चे वजन १ किलोने कमी करण्यात आले आहे.

किमतीबद्दल बोलायचे झाल्यास, TVS Motors ने Apache RTR 180 ची किंमत १ लाख ३० हजार रूपये (एक्स-शोरूम, दिल्ली) ठेवली आहे आणि Apache RTR 160 ची सुरूवातीची किंमत १ लाख १७ हजार रूपये (एक्स-शोरूम, दिल्ली) आहे जी टॉप व्हेरिएंटमध्ये असताना १ लाख २४ हजारापर्यंत जाते.

आणखी वाचा : SHEMA Electric ने EV India Expo 2022 मध्ये सादर केल्या ३ नवीन हायस्पीड इलेक्ट्रिक स्कूटर, १३० किमीची रेंज

2022 TVS Apache RTR 160
2022 TVS Apache RTR 160 मध्ये कंपनीने १५९.७ cc चे सिंगल सिलेंडर इंजिन बसवले आहे. हे इंजिन १६.०४ PS ची पॉवर आणि १३.८५ Nm चा पीक टॉर्क जनरेट करते. TVS मोटर्सने या इंजिनसोबत 5-स्पीड मॅन्युअल गिअरबॉक्स जोडला आहे.

2022 TVS Apache RTR 160 चे दोन व्हेरिएंट बाजारात विक्रीसाठी उपलब्ध आहेत, ज्यात पहिला सिंगल डिस्क ब्रेक आणि दुसरा ड्युअल डिस्क ब्रेक व्हेरिएंट आहे. बाईकच्या कमी झालेल्या वजनाबद्दल सांगायचे झाले तर कंपनीने या बाईकचे वजन २ किलोने कमी केले आहे, त्यानंतर तिचे नवीन वजन १३७ किलो (सिंगल डिस्क) आणि १३८ किलो (ड्युअल डिस्क) झाले आहे.

आणखी वाचा : Volkswagen Taigun Anniversary Edition नवीन कलर थीमसह भारतात लॉंच, ११ नवीन फीचर्स मिळतील

2022 TVS Apache RTR 180
2022 TVS Apache RTR मध्ये कंपनीने सिंगल सिलेंडर १७७ cc इंजिन दिले आहे. हे इंजिन १७.२ PS पॉवर आणि १५.५ Nm पीक टॉर्क जनरेट करते. हे इंजिन ५ स्पीड गिअरबॉक्सशी जोडलेले आहे. कंपनीने या बाईकचे वजन १ किलोने कमी केले आहे, त्यानंतर तिचे वजन १४१ किलोवरून १४० किलोवर आले आहे.

आणखी वाचा : Tata Motors Car Discount September 2022: हॅचबॅकपासून ते SUV पर्यंत, टाटा मोटर्सच्या या गाड्यांवर ४० हजारांपर्यंत सूट

2022 TVS Apache RTR 180 and 2022 TVS Apache RTR 160 Features
टीव्हीएस मोटर्सने या दोन्ही स्पोर्ट्स बाईकमध्ये ब्लूटूथ कनेक्टिव्हिटी, टीव्हीएस कनेक्ट अॅप, तीन रायडिंग मोड (स्पोर्ट, अर्बन आणि रेन) सह डिजिटल इन्स्ट्रुमेंट क्लस्टर दिले आहेत.

याशिवाय व्हॉईस असिस्ट, सेटिंगमधील बदल आणि रायडिंग मोडनुसार एबीएसची पॉवर डिलिव्हरी, गियर पोझिशन इंडिकेटर, नवीन एलईडी हेडलॅम्प, एलईडी टेल लॅम्प यांसारखी फीचर्स जोडण्यात आली आहेत.