Black Dots on Windshield: कारमध्ये दिसणारे अनेक फीचर्स आणि तंत्रज्ञान तुम्हाला माहिती असेल, पण कारच्या विंडशील्डवर असलेले छोटे काळे ठिपके तुम्ही कधी लक्षात घेतले आहेत का? कारच्या विंडशील्डवर दिसणार्‍या या काळ्या ठिपक्यांचे महत्त्व फार कमी लोकांना माहिती आहे. जर तुम्हाला वाटत असेल की, हे फक्त एक डिझाइन आहे तर तसे अजिबात नाही. कारच्या विंडशील्डवर दिसणारे हे छोटे काळे ठिपके खूप महत्त्वाचे आहेत. याचा उपयोग वाचून तुम्ही हैराण व्हाल, चला तर मग जाणून घेऊया, काय आहे या काळ्या ठिपक्यांचा उपयोग. कारच्या विंडशील्डवर काळे ठिपके असण्यामागचे कारण काय? कारच्या विंडशील्डवर दिसणाऱ्या या डॉट्सना 'Windshield Frits' असे म्हणतात. हे छोटे काळे ठिपके विंडशील्ड एका विशिष्ट ठिकाणी ठेवण्यास मदत करतात. कार चालू असताना हे काळे ठिपके विंडशील्डला विस्कटण्यापासून रोखतात. फ्रिट्सशिवाय, विंडशील्ड सैल होऊ शकते आणि फ्रेमच्या बाहेर पडू शकते. या काळ्या ठिपक्यांमुळे गाडीचा लूकही खूप प्रभावी दिसू लागतो. सूर्य प्रखर असतानाही हे ठिपके कारमधील तापमान कमी करण्यास मदत करतात. ते काच आणि गोंद यांच्यातील मजबूत पकड म्हणून काम करतात. हे विंडशील्ड आणि खिडकीच्या काचा एकमेकांना चिकटतात. (हे ही वाचा: खरचं कार जास्त Wash केल्याने कारच्या पेंटचे नुकसान होते का? जाणून घ्या सविस्तर ) सूर्यप्रकाशामुळे गोंद खराब होण्याची शक्यता असते. प्रखर सूर्यप्रकाशातही गोंद वितळण्याची शक्यता असते, त्यापासून ते वाचवितात. यामुळे विंडशील्ड आणि खिडकीची काच घट्टपणे फ्रेममध्ये बसविलेल्या जागेवर राहते. वारा खूप वेगाने विंडशील्डला धडकतो. त्यामुळे काच निखळली जाऊ शकते. त्यामुळे हे काळ्या रंगाचे ठिपके काचेला एकाच जागी राहण्यास मदत करतात. जर काळे ठिपके कमी होऊ लागले असतील तर ते लवकरात लवकर दुरुस्त करावेत. त्याशिवाय, काच सैल होऊ शकते आणि फ्रेमच्या बाहेर पडू शकते. तथापि, असे होत नाही, परंतु कोणत्याही प्रकारचे अनुचित प्रकार टाळण्यासाठी, निश्चितपणे बदला. जर हे काळे ठिपके फिकट होत असतील किंवा हळूहळू लुप्त होत असतील, तर तुम्हाला तुमची संपूर्ण विंडशील्ड बदलण्याची गरज नाही. पण जर काच फुटली असेल तर तुमची विंडशील्ड बदलण्याची वेळ आली आहे. यासाठी जवळच्या सेवा केंद्राशी संपर्क साधा.
