Yamaha Hybrid Scooter Launch: भारतीय बाजारात पुन्हा एकदा एका दमदार स्कूटरने एंट्री घेतली आहे. तरुणाईपासून ते फॅमिली युजर्सपर्यंत सगळ्यांच्या नजरा वेधून घेईल अशी ही स्कूटर स्टायलिश लूक, हलकं वजन आणि चांगलं मायलेज यामुळे आधीच चर्चेत आहे. पण, नेमकं काय खास आहे या नव्या मॉडेलमध्ये? आणि ही स्कूटर इतकी चर्चेत का आली आहे? चला जाणून घेऊया…
सर्वात आधी बोलायचं झालं तर या स्कूटरच्या डिझाइनमध्ये हलकेफुलके पण प्रभावी बदल करण्यात आले आहेत. विशेषतः मागील भाग (रिअर सेक्शन) पूर्णपणे अपडेट करण्यात आला आहे. शार्प टेल डिझाइन, नवीन V-शेप टेल लाइट आणि रीडिझाइन केलेले इंडिकेटर्स यामुळे स्कूटरला अधिक प्रीमियम आणि आकर्षक लूक मिळतो. याशिवाय स्कूटरची एकूण लांबी सुमारे १७८० मिमी ठेवण्यात आली आहे, ज्यामुळे ती अधिक कॉम्पॅक्ट वाटते.
समोरच्या भागात मात्र त्याचा खास निओ-रेट्रो स्टाइल कायम ठेवण्यात आला आहे. कर्वी बॉडी लाईन्स आणि एलईडी हेडलॅम्पमुळे ही स्कूटर शहराच्या रस्त्यांवर सहज लक्ष वेधून घेते. नवीन रंगांमध्ये Vivid Red, Metallic Black, Metallic White आणि काही मॅट शेड्सचा समावेश आहे, जे तरुणांना नक्कीच आकर्षित करतील.
फीचर्सच्या बाबतीतही ही स्कूटर मागे नाही. टॉप व्हेरिएंटमध्ये TFT इन्स्ट्रुमेंट क्लस्टर देण्यात आलं आहे, ज्यामध्ये टर्न-बाय-टर्न नेव्हिगेशन आणि Answer Back फंक्शन मिळतं. याशिवाय ब्लूटूथ कनेक्टिव्हिटीसह Y-Connect अॅप सपोर्टही दिला आहे. स्टॉप-स्टार्ट सिस्टम, स्मार्ट की, एलईडी लाइटिंग आणि फ्रंट डिस्क ब्रेकसारखे फीचर्स यामध्ये आहेत.
दररोजच्या वापरासाठीही ही स्कूटर सोयीची ठरते. २१ लिटर अंडरसीट स्टोरेज, साइड-स्टँड इंजिन कट-ऑफ आणि हलकं वजन (सुमारे ९८-९९ किलो) यामुळे शहरात चालवणं सोपं होतं. सीट हाइट ७८० मिमी असल्यामुळे उंची कमी असलेल्या राइडर्सनाही ती सहज हाताळता येते.
आता परफॉर्मन्सबद्दल बोलायचं झालं, तर या स्कूटरमध्ये १२५ सीसी, एअर-कूल्ड, फ्यूल-इंजेक्टेड इंजिन देण्यात आलं आहे. हे इंजिन स्मार्ट मोटर जनरेटर (SMG) हायब्रिड सिस्टीमसह येतं, त्यामुळे ही स्कूटर सुमारे ८.२ PS पॉवर आणि १०.३ Nm टॉर्क देते. टॉप स्पीड सुमारे ९० किमी/तास आहे आणि मायलेज तब्बल ६८.७५ किमी/लिटरपर्यंत मिळू शकतं, असा दावा करण्यात आला आहे.
किमतीबद्दल बोलायचं झालं, तर या स्कूटरची सुरुवातीची एक्स-शोरूम किंमत रु. ७६,५०० (दिल्ली) पासून सुरू होते, तर टॉप व्हेरिएंटची किंमत सुमारे रु. ९५,२०० पर्यंत जाऊ शकते; त्यामुळे या सेगमेंटमधील इतर लोकप्रिय स्कूटर्सना ही कडवी टक्कर देऊ शकते.
आणि आता सगळ्यात महत्त्वाचा खुलासा…
ही नवी स्टायलिश स्कूटर म्हणजेच Yamaha Fascino 125 Fi Hybrid!
होय, २०२६ मॉडेलमध्ये नव्या अवतारात सादर झालेली ही स्कूटर पुन्हा एकदा बाजारात धूम उडवायला सज्ज आहे.
