साहित्य : दोन बिल्ले, कार्डपेपर, कात्री, फेव्हीबॉण्ड गम, रंग (पोस्टर कलर्स), ब्रश इ.कृती : बिल्ल्याच्या बाहेरील आकारात कार्डपेपरची लांब उभी पट्टी कापा. या पट्टीला मधोमध दुमडा व दोन्ही कोपऱ्यांना बिल्ले (पोकळ बाजू आत) फेव्हिबॉण्ड गमच्या साहाय्याने चिकटवा. वर वजन ठेवून नीट वाळू द्या. बाहेरील बाजूस पोस्टर कलर्सने सुशोभित करा. बाप्पाच्या आरतीला या चिपळ्यांचा नाद सुरेख वाजवा.डमरूसाहित्य : दह्याचे दोन उभे डबे, टिश्यू पेपर्स, सुतळ, कागद, कात्री, गम, रंग, जाड रिबीन, मोठे मणी, ब्रश इ.कृती : दह्याच्या डब्यांचे स्टिकर्स गरम पाण्याने धुऊन काढून घ्या. दोन्ही डब्यांना टिश्यू पेपर्स गुंडाळून घ्या व पोस्टर कलरने रंगवा. डब्यांची झाकणे घट्ट (फेव्हीबॉण्ड) गमने चिकटवा व वाळू द्या. झाकणांना पांढरा कागद चिकटवा व मधोमध काळ्या रंगाचे गोल रंगवून घ्या. दोन्ही डबे वाळल्यावर एकमेकांवर उलटे चिकटवा. वरून सुतळ चिकटवा. वाटल्यास सुतळीला अॅक्रिलिक रंगात रंगवा व वाळू द्या. या जोडावरच (सॅटिन) रिबिनला दोन टोकांना मणी बांधून घ्या व गाठ मारा. झाला आपला डमरू तयार! गणपतीच्या आरतीला टाळाची साथ करायला ही वाद्यं आपणच तयार करायचा आनंद काही औरच असतो.
