23 September 2020

News Flash

मुंगीताई

मुंगीताई मुंगीताई कुठे जातेस घाई घाई? स्वत:मधेच असते दंग जरा कुठे बघत नाही

मुंगीताई मुंगीताई
कुठे जातेस घाई घाई?
स्वत:मधेच असते दंग
जरा कुठे बघत नाही
साखर कुठे सांडल्याची
मिळालीय का खबर?
की गुळाचा खडा दिसल्याची
बातमी आलीय कानावर?
कामाची तर तुला
भारी आवड बाई
मुंगीताई मुंगीताई
कुठे जातेस घाई घाई?
खाऊ कुठे ठेवला आहे
कसे गं तुला अचूक कळते?
चालता चालता मैत्रीण तुझी
हेच का कानात सांगते?
रांगेत चालण्याची शिस्त तू
कधीच मोडत नाही
मुंगीताई मुंगीताई
कुठे जातेस घाई घाई?
– अनुजा तातावार

उन्हाळय़ाची सुट्टी

आता लागली
उन्हाळय़ाची सुट्टी
आनंदी आनंद
अभ्यासाशी कट्टी॥

फिरायचे आता
खूप दूर दूर
कधी मुंबई-ठाणे
तर कधी नागपूर

बघत बसायचा
कधी घरी टीव्ही,
तर कधी खेळायचे
क्रिकेट आणि कबड्डी॥

उन्हाळय़ाची सुट्टी
भुर्रकन् उडणार
शाळेची कटकट
पुन्हा मागे लागणार॥

वाटते, उन्हाळा असावा
सहा महिन्यांचा
नसणार मग
सुट्टय़ांचा तोटा॥
– वसंत खेडेकर

bal04

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 29, 2016 1:01 am

Web Title: poetry for kids
Next Stories
1 कोकणची सहल
2 १०० चौरसांचे अनेक उपयोग
3 चित्ररंग : मार्ग शोधा
Just Now!
X