21 February 2018

News Flash

‘ब्लॉग बेंचर्स’चा नवा विषय ‘सर्वधर्मीय तलाक’

पित्याच्या संपत्तीत मुलींना वाटा मिळण्याबाबत इस्लाम धर्म जितका पुढारलेला आहे तितका हिंदू नाही, हे वास्तव आहे.

लोकसत्ता टीम | Updated: November 24, 2017 12:48 AM

पित्याच्या संपत्तीत मुलींना वाटा मिळण्याबाबत इस्लाम धर्म जितका पुढारलेला आहे तितका हिंदू नाही, हे वास्तव आहे. त्यामुळे वारसा हक्कासाठी हिंदू महिलांना संघर्ष करावा लागला. याचा अर्थ इतकाच की प्रत्येक धर्मात काही ना काही डावेउजवे हे तसे असतेच. तेव्हा यातील डावेपण दूर करून जे काही चांगले आहे त्याचा स्वीकार करण्यास हरकत नाही. तसे करताना आपले हिंदुधर्मीय बांधव धर्मास मागे तर नेत नाहीत, हे पाहण्याची जबाबदारीदेखील सरकारचीच आहे. महिलांनी आरोग्यासाठी घरी धुणीभांडी करणे उत्तम अशी निलाजरी भाषा करणारे आपल्या पक्षात असतील तर त्यांनाही सुधारणेचा स्पर्श कसा होईल ते पंतप्रधानांनी पाहावे. सद्य:परिस्थितीत मुसलमान महिलांच्या डोळ्यातील तलाकचे मुसळ दूर करणे गरजेचे आहे, हे मान्यच. परंतु ते दूर करण्याचे अभिनंदनीय पाऊल उचलत असताना आपल्याही डोळ्यातील कुसळ दूर करता आले तर त्यामुळे धर्माकडे पाहण्याची नजर अधिक निकोप होईल. सर्वच धर्मातील अभद्रास आज तलाक देण्याची गरज आहे. या विषयावर सांगोपांग विवेचन २३ नोव्हेंबर रोजी प्रसिद्ध झालेल्या ‘सर्वधर्मीय तलाक’ या अग्रलेखात करण्यात आले आहे. या अग्रलेखावर विद्यार्थ्यांना ‘ब्लॉग बेन्चर्स’मध्ये व्यक्त व्हायचे आहे. या स्पर्धेअंतर्गत पुढच्या गुरुवापर्यंत विद्यार्थ्यांना आपले मत नोंदविता येईल.

वैचारिक निबंध लेखनाचा महाराष्ट्राचा वारसा जपण्यासाठी ‘लोकसत्ता’ने सुरू केलेल्या ‘ब्लॉगबेंचर्स’ या लेखन स्पर्धेसाठी दर आठवडय़ाला एक अग्रलेख निवडला जातो. त्यावर विद्यार्थ्यांनी आपले भाष्य करायचे असते. या आठवडय़ाकरिता ‘सर्वधर्मीय तलाक’ या अग्रलेखाची निवड करण्यात आली आहे. या स्पर्धेमध्ये प्रत्येक आठवडय़ाच्या शुक्रवारी जाहीर केल्या जाणाऱ्या लेखावर विद्यार्थ्यांना व्यक्त व्हायचे असते. त्यासाठी पुढील आठवडय़ाच्या गुरुवापर्यंतची वेळ देण्यात आली आहे. या स्पर्धेत सहभागी होण्यासाठी विद्यार्थ्यांना  www.loksatta.com/blogbenchers या संकेतस्थळाला भेट द्यायची आहे. ‘आठवडय़ाचे संपादकीय’ या शीर्षकाखाली दर आठवडय़ाला प्रसिद्ध होणाऱ्या लेखाखालीच विद्यार्थ्यांना काय वाटते?’ या मथळ्याखाली विद्यार्थ्यांना भूमिका मांडता येते. या ठिकाणी ऑनलाइन नोंदणीची प्रक्रिया पूर्ण केल्यानंतर विद्यार्थ्यांना सहभागी होता येते. नोंदणीनंतर विद्यार्थ्यांना युजरनेम आणि पासवर्ड दिला जातो. स्पर्धेत सहभागी होण्याकरिता अडचणी आल्यास विद्यार्थ्यांनी  loksatta.blogbenchers@expressindia.com मेलवर संपर्क साधावा.

 

First Published on November 24, 2017 12:48 am

Web Title: share your opinion on loksatta blog benchers 131
  1. प्रदिप भास्कर कोळप
    Nov 27, 2017 at 5:30 pm
    सप्रेम नमस्कार... मुळात सर्वधर्मीय तलाक हा अत्यंत संवेदनशील विषय उपलब्ध करुन दिल्याबद्दल लोकसत्ता टिमचे आभार.... अगदी पुरातन काळापासुन प्रत्येक धर्माने स्रीला सर्वोच्च स्थान दिले आहे. विवाह/निकाह हा कुटुंबव्यवस्थेचा पवित्र टप्पा आहे. दोन जिवांच, परीवारांचे मिलन ह्यात घडत असते. राहीलेलं आयुष्य दोन जीव सोबत व्यतीत करत असतात. मात्र आयुष्यात चढ उतार येतात, मतभेद होतात आणि तलाक नावाच्या एका अवघड टप्प्यावर आयुष्य येवून ठेपत़. म्हणजेच विवाह/निकाह हा टप्पा पार करून एकत्र आलेले जीव वेगळे होतात. विविध धर्मात याला नावं जरी वेगळी असली तरी त्यातुन मिळणारं दु:ख, त्रास सारखाच असतो. तलाक मुळे सर्वात जास्त त्रास स्रीला होतो मग ती कोणत्याही धर्माची असो. प्रत्येक धर्मामध्ये तलाक नंतर पुनर्विवाहाची मुभा असली तरी अनेक परंपरा आडव्या येतात आणी उरलेलं आयुष्य कडवं होवून जातं. संवाद होतात तिथं वादही होणारच कधी कधी ते विकोपाला जातात आणि तलाक होतो मात्र सुसंवाद साधुन तलाक थांबवता येवु शकतो. त्यातून होणारा मनस्ताप टाळता येवु शकतो. त्यातूनच एक सुसंस्कृत समाज निश्चितच घडु शकतो हाच आशावाद....... धन्यवाद !
    Reply