21 September 2020

News Flash

निवडणुकीच्या तोंडावर आधार कार्ड फॉर्मचा हायवेवर पडला ढीग

राम कदम, जितेंद्र आव्हाड यांच्या शिफारसपत्र काही कागदपत्रांसोबत जोडलेले सापडले.

संग्रहित छायाचित्र

निवडणुकीला अवघे काही दिवस बाकी असताना नवी मुंबईतील खारघरच्या हिरानंदानी पुलाखाली आधार कार्ड फॉर्मचा ढीग पडल्याचे आढळले आहे. फॉर्मबरोबरच इतर आवश्यक कागदपत्रे आणि शिफारसपत्रेही येथे आढळली आहेत. या फॉर्मबरोबरच झेरॉक्स कॉपी देखील सापडल्या आहेत. नवी मुंबईतील सायन-पनवेल हायवेवर हिरानंदानी पुलाखाली कागदपत्रे आणि फॉर्मचा ढीग पडला आहे. घाटकोपर, ठाणे, भिवंडी, कल्याण या भागात राहणाऱ्या नागरिकांचे नाव आणि पत्ते या कागदपत्रांवर आहेत. आमदार राम कदम आणि जितेंद्र आव्हाड यांच्या शिफारसी देखील या काही कागदपत्रांसोबत जोडलेल्या आहेत.

या कागदपत्रांचा आणि निवडणुकीचा काही संबंध तर नाही ना या उद्देशाने पोलीस तपास घेत आहेत. पोलिसांनी ही कागदपत्रे जमा करून घेतली आहेत. ओळखपत्र मिळवून मतदार यादीमध्ये खोटी नाव नोंदणी करणे, ओळखपत्राचा गैरवापर करणे असे प्रकार या काळात होतात त्यामुळे पोलिसांनी हे प्रकरण गांभीर्याने घेतले आहे. दरम्यान, ज्या एजन्सीला आधार कार्डाचे काम देण्यात आले होते त्या एजन्सीने खुलासा केला आहे. हा घातपात किंवा गैरवापराचा प्रकार नसल्याचे एजन्सीचे अधिकारी किरण धात्रे यांनी म्हटले आहे. एका कार्यालमधून दुसऱ्या कार्यालयात कागदपत्रे नेत असताना एक बॅग खाली पडली. ही बाब आम्हाला जेव्हा कळली तेव्हा आम्ही तिथे तातडीने गेलो होतो परंतु पोलिसांनी त्याआधीच ही कागदपत्रे ताब्यात घेतली होती असे धात्रे यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 9, 2017 11:37 am

Web Title: adhar card form identity card bmc election 2017 ram kadam jitendra awhad
Next Stories
1 उद्धव ठाकरे यांची बंडखोरांवर कारवाई; २६ शिवसैनिकांची पक्षातून हकालपट्टी
2 राजकीय पक्षांच्या अवास्तव घोषणांचाच पारदर्शकतेला फटका!
3 नगरसेवकांवर दुप्पट लक्ष्मीकृपा
Just Now!
X