छत्रपती संभाजीनगर : विद्युत दुचाकी निर्मितीतील ‘एथर एनर्जी’ने देशातील तिच्या तिसऱ्या उत्पादन प्रकल्पासाठी दिल्ली-मुंबई औद्योगिक पट्ट्यातील बिडकीन येथे १०० एकरांच्या भूखंडाची निवड केली असून, लवकरच या संबंधाने सामंजस्य करार केला जाणे अपेक्षित आहे.

यामुळे राज्यात छत्रपती संभाजीनगरच्या औद्योगिक वसाहतीमध्ये आणखी एका मोठ्या उद्योगाची गुंतवणूक वाढेल, असे सांगण्यात येत आहे. या प्रकल्पात साधारणत: एक हजार कोटी रुपयांहून अधिक गुंतवणूक होणार असून, तेवढाच रोजगार उपलब्ध होईल, असे सूत्रांनी सांगितले. भूखंड वाटपाच्या बैठकीत याबाबतचा अंतिम निर्णय येत्या आठ-दहा दिवसांत होण्याची शक्यता आहे.

navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Devendra Fadnavis and Eknath shinde
लोकसभेतील पराभवानंतर महायुतीचा मोठा निर्णय, राज्य सरकारच्या ‘या’ महत्त्वाच्या प्रकल्पाला स्थगिती!
Gold Silver Price 19 June 2024
Gold-Silver Price: ग्राहकांच्या चेहऱ्यावर आनंद! सोन्याच्या दरात घसरण, जाणून घ्या १० ग्रॅमचा दर
Indian millionaires left country
भारतातून कोट्यधीशांचं आऊटगोईंग चालूच; यावर्षीही तब्बल ४,३०० धनाढ्य देश सोडणार
Sharad Pawar and Ajit Pawar
अजित पवारांसाठी परतीचे दार बंद झाले का? शरद पवारांचं चार शब्दांत उत्तर; म्हणाले, “सवाल…”
Saurabh Netravalkar Exclusive Interview
“मला रंगांधळा म्हणत त्यांनी..”, सौरभ नेत्रावळकरने सांगितला भारत सोडण्याआधीचा किस्सा; म्हणाला, “दोन वर्षं मागितली..”
What happens to your body when you have sex every day
रोज सेक्स केल्याने शरीर, मन व नात्यात काय बदल होतात? थट्टा, मस्करी न करता डॉक्टरांनी दिलेली ही माहिती वाचा
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल

हेही वाचा >>>गृहनिर्माण, पायाभूत सुविधांवर १५ लाख कोटींची गुंतवणूक; ‘क्रिसिल रेटिंग्ज’चे अनुमान

बिडकीन व शेंद्रा येथील भूखंड वाटपाबाबत नव्याने निविदाही प्रसिद्ध करण्यात आल्या असून, या वेळी अनेक उद्योजक या भागात गुंतवणुकीस पुढाकार घेतील, असे सांगण्यात येत आहे. एथर एनर्जीच्या वतीने येथील पायाभूत सुविधांची पाहणी यापूर्वीच करण्यात आली आहे. शेंद्रा व बिडकीन या दोन्ही औद्योगिक वसाहतींमध्ये जागा उपलब्ध असल्याचे कंपनीला कळविण्यात आले होते. एथर एनर्जीने छत्रपती संभाजीनगरमध्ये गुंतवणूक करावी यासाठी शहरातील औद्योगिक संघटनाही प्रयत्न करत होत्या. पायाभूत सुविधांची माहितीही विविध स्तरांवर पोहोचविण्याचे काम उद्योजकांकडून केले जात होते. त्यामुळे येत्या काही दिवसांत दुचाकींच्या (ई-स्कूटर) क्षेत्रातील अग्रनामांकित कंपनी गुंतवणूक करण्यासाठी पुढाकार घेत असल्याचे सांगण्यात येत आहे.

बंगळूरुस्थित या कंपनीचे सध्या तमिळनाडूतील होसूरमध्ये दोन उत्पादन प्रकल्प आहेत. इलेक्ट्रिक वाहने आणि चार्जिंगच्या पायाभूत सुविधांची रचना, निर्मिती, सेवा, विकास यांसह संगणक प्रणाली व्यवस्थापनाचे काम कंपनी करते. बॅटरीशी निगडित विविध सेवाही कंपनीकडून दिल्या जातात. ई-स्कूटरची वाढती मागणी पाहता एथर एनर्जीने तिसऱ्या उत्पादन प्रकल्पासाठी पाऊल टाकले आहे.