scorecardresearch

Premium

युको बँकेतील ८२० कोटींच्या फसवणुकीचे दोन अभियंते सूत्रधार, सीबीआयने केला गुन्हा दाखल

तपासादरम्यान सीबीआयने कोलकाता आणि मंगळुरूसह अनेक शहरांमध्ये १३ ठिकाणी छापे टाकले. अधिकाऱ्यांनी सांगितले की, अचानक पैसे आल्यानंतर अनेकांनी पैसे काढून घेतले.

uco bank fraud
(फोटो क्रेडिट- फायनान्शिअल एक्सप्रेस)

UCO Bank Fraud Case: केंद्रीय अन्वेषण ब्युरो (CBI) ने UCO बँकेतील ८२० कोटी रुपयांच्या फसवणुकीचा पर्दाफाश केला आहे. १० ते १३ नोव्हेंबरदरम्यान झालेल्या या फसवणुकीचे सूत्रधार दोन अभियंते होते. खासगी बँकांच्या १४ हजार खात्यांमधून त्यांनी युको बँकेच्या ४१ हजार बँक खात्यांमध्ये पैसे पाठवले होते. या फसवणुकीसाठी ८.५३ लाख IMPS व्यवहार करण्यात आले. यानंतर बँकेने तत्काळ कारवाई करत IMPS सेवेवर बंदी घातली. याप्रकरणी सीबीआयने मंगळवारी गुन्हा दाखल केला आहे.

४१ हजार खात्यात पैसे गेले, अनेकांनी ते काढले

तपासादरम्यान सीबीआयने कोलकाता आणि मंगळुरूसह अनेक शहरांमध्ये १३ ठिकाणी छापे टाकले. अधिकाऱ्यांनी सांगितले की, अचानक पैसे आल्यानंतर अनेकांनी पैसे काढून घेतले. आश्‍चर्याची बाब म्हणजे ज्या खासगी बँकांमधून पैसे काढण्यात आले, त्यांच्या १४ हजार खात्यांमधून पैसे वजा झालेले नाहीत. युको बँकेच्या केवळ ४१ हजार खात्यांमध्ये पैसे आले होते. युको बँकेला तीन दिवसांनंतर ही बाब कळताच त्यांनी सीबीआयकडे त्यांच्या दोन सपोर्ट इंजिनीअर्सविरोधात तक्रार दाखल केली. सीबीआयच्या प्रवक्त्याने सांगितले की, तपास यंत्रणेने या अभियंते आणि एका अज्ञात व्यक्तीविरुद्ध गुन्हा दाखल केला आहे. शोधादरम्यान मोबाईल फोन, लॅपटॉप, संगणक, ईमेल संग्रहण आणि डेबिट/क्रेडिट कार्डसह अनेक इलेक्ट्रॉनिक पुरावे देखील जप्त करण्यात आले.

Danger from electric wires on footpaths Inexcusable negligence of the Municipal Corporation after entrusting the work to the contractors navi Mumbai
पदपथांवरील विद्युत तारांमुळे धोका; कंत्राटदारांकडे काम सोपवल्यावर महापालिकेचे अक्षम्य दुर्लक्ष
sebi summons many former directors in financial irregularities in zee
‘झी’मधील आर्थिक गैरव्यवहारांच्या चौकशीचा विस्तार;‘सेबी’कडून कंपनीच्या अनेक माजी संचालकांना समन्स
Sony Group explores new opportunities after parting ways with Zee
‘झी’शी फारकतीनंतर सोनी समूहाकडून नवीन संधींचा शोध
sarwan singh pandher
‘आम्ही पाकिस्तानमधून नाही आलो’, पोलीस दलाच्या कारवाईनंतर शेतकरी नेत्याचे विधान

हेही वाचाः गावागावांमध्ये आता रोजगार वाढणार, मोदी सरकारकडून मनरेगा अंतर्गत १०,००० कोटींचा अतिरिक्त निधी जारी

अयशस्वी व्यवहार दाखवून पैसे लुटले

युको बँकेच्या म्हणण्यानुसार, या फसवणुकीत ज्या खात्यांमधून पैसे ट्रान्सफर केले गेले होते ते अयशस्वी व्यवहार दर्शवत होते. पण युको बँकेच्या खात्यात पैसे येत होते. हा पैसाही अनेकांनी वेगवेगळ्या प्रकारे खर्च केला. तसेच इतर खात्यांमध्ये हस्तांतरित केले.

हेही वाचाः भारत दाखवणार पाकिस्तानला आता आपली खरी ताकद, अदाणींच्या मदतीनं सीमेवर करणार ‘हे’ मोठे काम

बँकेने ६४९ कोटी रुपयांच्या वसुलीचा दावा केला होता

ही समस्या तांत्रिक समस्या असल्याचे वर्णन करताना यूको बँकेने सांगितले होते की, IMPS सेवेतील समस्येमुळे अडकलेल्या ८२० कोटींपैकी सुमारे ६४९ कोटी रुपये वसूल झाले आहेत. उर्वरित १७१ कोटी रुपयेही लवकरच वसूल केले जातील. सुरुवातीच्या तपासात असे दिसून आले की, सर्वात मोठी अडचण IDFC फर्स्ट बँकेच्या बचत खात्यातून UCO बँकेत IMPS करण्यात होती. यामध्ये IDFC फर्स्ट बँक खात्यातून पैसे डेबिट झाले नाहीत. पण UCO बँक खात्यात पैसे यायचे.

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Cbi has registered a case against two engineers masterminding the 820 crore uco bank fraud vrd

First published on: 06-12-2023 at 11:38 IST

संबंधित बातम्या

तुम्ही या बातम्या वाचल्या आहेत का? ×