म्युच्युअल फंड मालमत्तेत दशकभरात सात पटींनी वाढ, ‘पॅसिव्ह’ फंडात गुंतवणूक वाढल्याचा अहवालाचा निष्कर्ष

म्युच्युअल फंडातील पॅसिव्ह अर्थात निष्क्रिय व्यवस्थापित फंडाकडे गुंतवणूकदारांचा ओढा वाढला आहे. एकूण म्युच्युअल फंड व्यवस्थापनाखालील मालमत्तेत पॅसिव्ह फंडाचे योगदान १७ टक्क्यांनी वधारून १०.२ लाख कोटी रुपयांवर पोहोचले आहे. तर जून २०२४ पर्यंत ॲक्टिव्ह अर्थात सक्रियपणे व्यवस्थापन होणाऱ्या फंडांची मालमत्ता ५०.९ लाख कोटी रुपये आहे, असे मोतीलाल ओसवाल ॲसेट मॅनेजमेंट कंपनीने नुकत्याच केलेल्या ‘व्हेअर द मनी फ्लोज’ या अहवालातून समोर आले. ८३ टक्के बाजार वाट्यासह सक्रिय (ॲक्टिव्ह) फंडांचे वर्चस्व कायम आहे, तर निष्क्रिय (पॅसिव्ह) फंडाचे योगदान १७ टक्के आहे.

आणखी वाचा

चिनी अर्थव्यवस्थेची उभारी भारताच्या शेअर बाजाराच्या मूळावर; सलग सहा सत्रातील घसरणीत ४०,००० कोटींच्या गुंतवणुकीचे चीनकडे वळण

Bigg Boss 18 : गुणरत्न सदावर्तेंची शोमध्ये एन्ट्री,…

सेवा क्षेत्रही मरगळीकडे! सप्टेंबरचा ‘पीएमआय’ १० महिन्यांच्या नीचांकावर

समभाग विक्रीच्या तुफान माऱ्याने सेन्सेक्स ८२ हजारांखाली

पायाभूत क्षेत्रांच्या वाढीला घरघर; साडेतीन वर्षात पहिल्यांदाच नकारात्मक; ऑगस्टमध्ये उणे १.८ टक्क्यांपर्यंत अधोगती

इन्फ्रास्ट्रक्चर फंड : स्वयंप्रकाशित तू तारा…

ई-वाहनांची वार्षिक विक्री ३० ते ४० लाखांवर पोहोचण्याचा अंदाज

सूक्ष्म, लघू उद्योगांच्या पतहमी योजनेला मुदतवाढीचे संकेत;  अतिरिक्त ५ लाख कोटींच्या तरतुदीचा केंद्राचा विचार

हेही वाचा…अलीबाबा समूहाकडून झोमॅटोमधील २.२ टक्के हिस्साविक्री

अहवालानुसार, एकूण व्यवस्थापनाखालील मालमत्तेत सध्या समभागसंलग्न (इक्विटी) योजनांचा वाटा ५९.७५ टक्के, रोखेसंलग्न (डेट) योजनांचा २६.९५ टक्के, हायब्रीड ८.८५ टक्के आणि इतर योजनांचे ४.४४ टक्के योगदान आहे. सरलेल्या जून तिमाहीत म्युच्युअल फंडांमध्ये एकूण ३,२५,००० कोटी रुपयांचा ओघ आला. ज्यामध्ये समभागसंलग्न आणि रोखेसंलग्न फंडांची जवळपास समान म्हणजेच अनुक्रमे १,४३,००० कोटी रुपये आणि १,६६,००० कोटी रुपये अशी हिस्सेदारी राहिली आहे. मल्टी ॲसेट फंडांमध्ये या तिमाहीत ८ कोटी रुपयांची गुंतवणूक आली. उल्लेखनीय म्हणजे तिमाहीत, एकंदर ३५ नवीन योजना बाजारात दाखल झाल्या आणि त्यांनी त्यातून एकत्रितपणे २७,००० कोटी रुपयांची गुंतवणूक गोळा केली.