मुंबई: देशाच्या परकीय चलन गंगाजळीला लागलेली गळती सुरूच असून, १० जानेवारीला संपलेल्या आठवड्यात ती ८.७१ अब्ज डॉलरने घसरून ६२५.८७ अब्ज डॉलरपर्यंत ओसरली, अशी माहिती रिझर्व्ह बँकेने शुक्रवारी दिली. याआधी ३ जानेवारी रोजी संपलेल्या आठवड्यात परकीय चलन साठा ५.६९ अब्ज डॉलरने घसरून ६३४.५८ अब्ज डॉलरवर स्थिरावला होता.

हेही वाचा >>> तब्बल ९० हजार  पगारदारांच्या कर वजावटीत गल्लत ; सुमारे १,०७० कोटींची सदोष करबचत केल्याचा उलगडा

Income tax slabs for 2025-26 explained with focus on individuals earning slightly above Rs 12 lakh and marginal relief.
१२ लाखांपेक्षा थोडेसे जास्त उत्पन्न असणाऱ्यांना कर सवलत मिळणार का? जाणून घ्या कसा मोजायचा Marginal Relief चा लाभ
mh370 search operation malaysian airlines
Malasian Airlines: बेपत्ता MH370 चा शोध; पुण्यातील प्रल्हाद…
rupee crosses 87 against dollar news in marathi
रुपया डॉलरमागे ८७ पार; सोने ८५ हजारांपुढे!, रुपयाच्या आणखी घसरणीची शक्यता
New Tax Slab
१२ लाखांहून कमी उत्पन्न असणाऱ्यांसाठीही टॅक्स स्लॅब, त्याचा नेमका अर्थ काय?
Moody Analytics made a statement on fiscal and monetary policy print eco news
वित्तीय, पतधोरणात मोठ्या सुधारणेनंतरच ६.४ टक्के विकासवेग शक्य- मूडीज
Rupee biggest fall in two weeks print eco news
रुपयाची दोन आठवड्यांतील सर्वात मोठी आपटी
Government owned energy sector company announces dividend to shareholders print eco news
सरकारी मालकीच्या ऊर्जा क्षेत्रातील कंपनीकडून भागधारकांना घसघशीत लाभांशाची घोषणा
Liquidity in the banking system fell to a 15 year low print eco news
बँकिंग व्यवस्थेतील तरलता १५ वर्षांच्या तळाला; उपायादाखल रिझर्व्ह बँकेकडून ६०,००० कोटींची लवकरच रोखे खरेदी

डॉलरच्या तुलनेत घसरत्या रुपयाला सावरण्यासाठी रिझर्व्ह बँकेने प्रयत्न सुरू केले आहेत. रुपयातील अस्थिरता कमी करण्यासाठी रिझर्व्ह बँकेने स्थानिक चलन बाजारात केलेल्या हस्तक्षेपातून चलन गंगाजळीमध्ये घसरण सुरू आहे. सप्टेंबरच्या अखेरीस परकीय चलन साठा ७०४.८८ अब्ज डॉलरच्या ऐतिहासिक उच्चांकी पातळीवर पोहचला होता. त्यानंतर डॉलरच्या तुलनेत रुपयाची नीचांकी घसरणीचा क्रम सुरू झाला आणि ऑक्टोबरच्या मध्यापासून तो तीव्र झाला. देशाच्या अर्थव्यवस्थेची मंदावलेली चाल, परकीय निधीचे बहिर्गमन, अमेरिकेचे निर्वाचित अध्यक्ष डोनाल्ड ट्रम्प यांची संभाव्य व्यापार धोरणे आणि फेडरल रिझर्व्हने व्याजदर कपातीमध्ये हात आखडता घेतल्याने अमेरिकी डॉलरला सशक्तता, तर रुपयाचे दुबळेपण वाढले आहे. मात्र रिझर्व्ह बँकेच्या नियमित हस्तक्षेपामुळे चलन मूल्यातील ऱ्हास काहीसा रोखला गेला आहे.

हेही वाचा >>> Gold Silver Price Today : सोन्या- चांदीच्या दरात मोठे बदल, तुमच्या शहरात आज २२, २४ कॅरेट सोन्याचा दर किती? वाचा

रुपयासाठी १८ महिन्यांतील सर्वात वाईट आठवडा

सरलेल्या आठवड्यात डॉलरच्या तुलनेत रुपया ०.६ टक्क्यांनी घसरला आहे. ही जुलै २०२३ नंतरची स्थानिक चलनातील सर्वात मोठी साप्ताहिक घसरण आहे. सलग अकराव्या आठवड्यात घसरण नोंदवत, रुपयाने ८६ च्या पलीकडे गटांगळीही घेतली. मंगळवारी त्याने ८६.६४ या ऐतिहासिक नीचांकी पातळीपर्यंत लोळण घेतली होती. अमेरिकेचे अध्यक्ष डोनाल्ड ट्रम्प यांच्या राजवटीतील धोरणात्मक बदलांच्या अपेक्षांमुळे अमेरिकी डॉलरला बळकटी आली आहे आणि याचा परिणाम जगभरातील उदयोन्मुख बाजारातील चलनांवर होत आहे. एका महिन्यापेक्षा कमी कालावधीत ८५ वरून ८६, तर प्रति डॉलर ८४ वरून ८५ पर्यंत घसरण रुपयाने सुमारे दोन महिन्यांच्या कालावधीत दाखविली आहे. नववर्षात जानेवारीमध्ये आतापर्यंत परदेशी गुंतवणूकदारांनी देशांतर्गत बाजारातून सुमारे ६०० कोटी डॉलरचा (सुमारे ५२,००० कोटी रुपये) निधी माघारी घेतला आहे, ज्यामुळे रुपयासमोरील आव्हानांमध्ये भर पडली आहे.

Story img Loader