मुंबई : आर्थिक वर्ष २०२४-२५ देशाची अर्थव्यवस्था ७ टक्के दराने वाढेल आणि ती जगभरातील प्रमुख अर्थव्यवस्थांमध्ये सर्वाधिक वेगवान अर्थव्यवस्था असेल, असे आशादायी अनुमान रिझर्व्ह बँकेने ताज्या वार्षिक अहवालात नोंदवले आहे.

देशांतर्गत पातळीवर महागाई दर आगामी काळात कमी होण्याची शक्यता आहे. मात्र जागतिक वित्तीय स्थैर्याला वाढत्या महागाईमुळे धोका कायम आहे. ज्या परिणामी खाद्यपदार्थ आणि अन्नधान्य क्षेत्रातील किमती वाढणार असल्याने पुरवठ्याच्या-बाजूने जोखीम वाढण्याची शक्यता आहे. वर्ष २०२३-२४ मध्ये भारतीय अर्थव्यवस्थेचा वेगाने विस्तार झाला आणि सलग तिसऱ्या वर्षी विकासदर ७ टक्के किंवा त्याहून अधिक राहिला आहे. बाह्य प्रतिकूलता असूनही देशांतर्गत प्रबळ मागणीच्या जोरावर सरलेल्या आर्थिक वर्षात (२०२३-२४) देशाच्या अर्थव्यवस्थेने जोम दर्शविला आहे.

CNG bike, freedom 125, Bajaj auto, two wheeler
विश्लेषण : जगातील पहिली सीएनजी बाईक भारतात… प्रवासी वाहतूक क्षेत्रात स्थित्यंतर घडविणार?
corn, Scarcity, Poultry Business,
देशात मक्याचा खडखडाट, प्रतिकिलो ३० रुपयांवर; कुक्कुटपालन व्यवसायावर परिणाम
MHADA, MHADA Plans Rs 1200 Crore Revenue from Kamathipura Redevelopment, Kamathipura Redevelopment, Kamathipura Redevelopment Await State Approval, mumbai news, marathi news, loksatta news,
कामाठीपुरा पुनर्विकासातील अधिमूल्याचा पर्याय, म्हाडाला १२०० कोटी?
Goldman Sachs report points to high government debt
कल्याणकारी योजनांची यंदा उपासमार शक्य! उच्च सरकारी कर्जभारावर ‘गोल्डमन सॅक्स’च्या अहवालाचे बोट
Barcelona Protest against tourists Why are people squirting water on tourists in Barcelona
‘पर्यटकांनो, घरी जा!’ बार्सिलोनामधील स्थानिक लोक पर्यटकांवर पाण्याचे फवारे का मारत आहेत?
uk general election 2024 results key factors behind rishi sunak defeat
ढासळत्या अर्थव्यवस्थेमुळे पराभव; ब्रिटनचे पंतप्रधान ऋषी सुनक यांच्या पराभवात आरोग्यसेवा, निर्वासितांचा प्रश्न प्रमुख कारणे
Rising Temperatures, Rising Temperatures to Decrease Farmer s Income, Moody s Report, heat wave, heat wave in india, heat wave in world, heat wave Decrease Farmer s Income, Indian farmer,
उष्णतेच्या लाटांमुळे जगाची अन्नसुरक्षा धोक्यात; भात, अन्नधान्यांची पिके अडचणीत येण्याची भीती
mumbai reports 3 thousand dog bite incidents in three years
श्वान दंशाच्या घटनांमध्ये वाढ; मुंबईत तीन वर्षांत ३ हजार श्वान चाव्याच्या घटना

हेही वाचा >>> Stock Market Today Update : नफावसुलीने ‘सेन्सेक्स’ची ६१७ अंशांनी गाळण

बँका आणि कंपन्यांचा सुधारलेला ताळेबंद, सरकारच्या भांडवली खर्चात आणि विवेकपूर्ण पतविषयक, नियामक आणि वित्तीय धोरणांवर सरकारने लक्ष केंद्रित केल्याने जीडीपी वाढ मजबूत राहिली आहे, असे मध्यवर्ती बँकेच्या अहवालात म्हटले आहे. देशाची अर्थव्यवस्था प्रतिकूल जागतिक आर्थिक वातावरणातून मार्गक्रमण करत आहे. महागाई कमी होत असल्याने येत्या काळात विशेषतः ग्रामीण भागातून मागणी वाढण्याची शक्यता आहे. याचबरोबर मध्यवर्ती बँकेकडील परकीय चलन गंगाजळीचा साठा सध्या ६४८.७ अब्ज डॉलरच्या ऐतिहासिक उच्चांकी पातळीवर पोहोचला आहे. यामुळे अर्थव्यवस्थेला जागतिक बाह्य धक्क्यांपासून सुरक्षित ठेवता येऊ शकेल.

हेही वाचा >>> बँकांचे १३,९३० कोटी फसवणुकीत फस्त : रिझर्व्ह बँक

अर्थव्यवस्थेसमोरील आव्हाने काय?

भू-राजकीय तणाव, जागतिक आर्थिक बाजारातील अस्थिरता, आंतरराष्ट्रीय वस्तूंच्या किमतीतील सतत होणारे चढ-उतार आणि हवामानातील अनियमित घडामोडी यामुळे विकासवेग काहीसा मंदावण्याची शक्यता आहे. शिवाय यामुळे महागाईवाढ होण्याची देखील भीती रिझर्व्ह बँकेने व्यक्त केली आहे.

दावा न केलेल्या बँक ठेवी ७८,२१३ कोटींवर

देशभरातील बँकांमधील दावा न केलेल्या ठेवींचे प्रमाण गत वर्षभरात २६ टक्क्यांनी वाढून मार्च २०२४ अखेर ७८,२१३ कोटी रुपये झाले आहे. ही सर्व रक्कम ठेवीदार शिक्षण आणि जागरूकता निधीमध्ये हस्तांतरित केली गेली आहे. गेल्या वर्षी मार्च २०२३ अखेर हा निधी ६२,२२५ कोटी रुपये होता, त्यात यंदा २६ टक्क्यांनी वाढ झाली आहे.

२७,००० कोटींची सुवर्ण रोखे-विक्री

आर्थिक वर्ष २०२३-२४ मध्ये गुंतवणूकदारांनी २७,०३१ कोटी रुपये किमतीचे सार्वभौम सुवर्ण रोखे खरेदी केले. मागील आर्थिक वर्ष २०२२-२३ मधील ६,५५१ कोटी रुपयांच्या तुलनेत ही गुंतवणूक चार पटीने जास्त आहे. गुंतवणूकदारांनी सरलेल्या वर्षात ४४.३४ टन सोन्याच्या वजनाचे रोखे खरेदी केले, त्या आधीच्या वर्षात हे प्रमाण १२.२६ टन इतके होते. नोव्हेंबर २०१५ मधील सुरुवातीपासून सुवर्ण रोखे योजनेतून आजवर एकूण ७२,२७४ कोटी रुपये (१४९.९६ टन) विविध उभारण्यात आले आहेत.