लोकसत्ता व्यापार प्रतिनिधी
मुंबई : जागतिक पातळीवरील सकारात्मक संकेतापायी देशांतर्गत भांडवली बाजारावर तेजीवाल्यांनी पकड मजबूत केली असून, परिणामी मंगळवारी सलग तिसऱ्या सत्रात प्रमुख निर्देशांक वाढीसह स्थिरावले. दूरसंचार, तंत्रज्ञान आणि ग्राहकोपयोगी वस्तू कंपन्यांच्या समभागांमध्ये मोठी वाढ झाली. मात्र जागतिक पातळीवरील खनिज तेलाच्या वाढत्या किमती आणि भू-राजकीय तणावामुळे परदेशी गुंतवणुकीचा ओघ ओसरला आहे.

मंगळवारी दिवसअखेर मुंबई शेअर बाजाराचा निर्देशांक सेन्सेक्स ८९.८३ अंशांनी वधारून ७३,७३८.४५ पातळीवर बंद झाला. सत्रादरम्यान, तो ४११.२७ अंशांनी वधारून ७४,०५९.८९ या दिवसभरातील उच्चांकी पातळीवर पोहोचला होता. राष्ट्रीय शेअर बाजाराचा निर्देशांक निफ्टीमध्ये ३१.६० अंशांची भर पडली आणि तो २२,३६८ पातळीवर स्थिरावला.

What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
loksatta editorial pm narendra modi controversial statement on muslim community
­­­­अग्रलेख : पंतप्रधानांचे आभार माना!
Loksatta editorial political party Speeches of political leaders criticizing each other
अग्रलेख: घंटागाडी बरी…
narendra modi shinde fadnavis reuters
फडणवीसांना डावलून शिंदेंना मुख्यमंत्री का केलं? पंतप्रधान मोदींनी सांगितली भाजपाची रणनीती
devendra fadnavis uddhav thackeray
“अमित शाह तुला म्हणाले दोन मोठी…”, उद्धव ठाकरेंनी फडणवीसांचा एकेरी उल्लेख करत सांगितलं शहांच्या मातोश्री भेटीवेळी काय घडलं?
senior scientist dr anil kakodkar
अग्रलेख : सुरक्षित सपाटांचे साम्राज्य!
pm modi on prajwal revanna sex tape row
प्रज्वल रेवण्णा प्रकरणावर पंतप्रधान मोदींनी पहिल्यांदाच केलं भाष्य; म्हणाले…
Ajit pawar and sharad pawar (1)
“माझ्या वडिलांना कोणत्या आजारावर उपचार करायला नेलं होतं?”, अजित पवारांचा शरद पवारांना थेट प्रश्न

हेही वाचा >>>रिलायन्सला ६९,६२१ कोटींचा विक्रमी वार्षिक नफा; उलाढालीत १० लाख कोटींचा टप्पा गाठणारी पहिलीच कंपनी

देशांतर्गत भांडवली बाजारात मर्यदित पातळीत व्यवहार सुरू होते. इराण-इस्रायलमधील तणावातील वाढीमुळे मध्यंतरी खनिज तेलाचे भाव वधारले होते आणि भावातील अस्थिरता यापुढे कायम राहणे अपेक्षित आहे. बरोबरीने डॉलर निर्देशांकांतील आणि अमेरिकी रोख्यांवरील परतावा दरात वाढ तसेच परदेशी गुंतवणूकदारांकडून निधीचे पुनर्गमन कायम राहण्याची शक्यता आहे. मात्र देशांतर्गत गुंतवणूकदारांकडून खरेदीचा ओघ वाढल्याने बाजारात तेजीवाल्यांनी पकड घट्ट करता आली आहे, असे निरीक्षण जियोजित फायनान्शियल सर्व्हिसेसचे संशोधन प्रमुख विनोद नायर यांनी नोंदवले.

सेन्सेक्समध्ये भारती एअरटेल, नेस्ले, मारुती, टाटा मोटर्स, एचसीएल टेक्नॉलॉजीज, एनटीपीसी, एशियन पेंट्स आणि स्टेट बँक यांचे समभाग सर्वाधिक तेजीत होते. तर याउलट, सन फार्मा, रिलायन्स इंडस्ट्रीज, महिंद्र अँड महिंद्र, जेएसडब्ल्यू स्टील, टेक महिंद्र आणि बजाज फायनान्सच्या समभागात घसरण झाली. निर्देशांकात सर्वाधिक योगदान राखणाऱ्या रिलायन्स इंडस्ट्रीजच्या समभागात नफावसुलीमुळे समभाग एक टक्का घसरणीसह २,९१८.५० रुपयांवर बंद झाला. परिणामी एकंदर बाजारावर विक्रीचा दबाव वाढला आणि निर्देशांकांच्या मुसंडीलाही वेसण घातले गेले.

सेन्सेक्स ७३,७३८.४५ ८९.८३ (०.१२%)

निफ्टी २२,३६८ ३१.६० (०.१४%)

डॉलर ८३.३३ -३

तेल ८७.३६ ०.४१