मुंबई: गेल्या पाच सत्रातील पडझडीमुळे गुंतवणूकदारांनी घसरलेल्या किमतीत समभाग खरेदीला प्राधान्य दिल्याने बाजार सप्ताहअखेर सकारात्मक पातळीवर बंद झाला. तेल वितरण कंपन्या आणि बँकांच्या समभागांमध्ये सर्वाधिक खरेदी बळावल्याने सेन्सेक्स ७५ अंशांनी वधारला.

दिवसअखेर मुंबई शेअर बाजाराचा समभाग ७५.७१ अंशांनी वधारून, ७३,९६१.३१ पातळीवर दिवसअखेर स्थिरावला. सत्रादरम्यान, त्याने ७४,४७८.८९ अंशांचा उच्चांक आणि ७३,७६५.१५ अंशांची नीचांकी पातळी गाठली. दुसरीकडे राष्ट्रीय शेअर बाजाराचा निर्देशांक निफ्टीमध्ये ४२.०५ टक्क्यांची घसरण झाली आणि तो २२,५३०.७० अंशांवर स्थिरावला.

sangli almatti dam marathi news,
Video: सांगलीत पूरहानी टाळण्यासाठी अलमट्टीच्या विसर्गामध्ये २५ हजार क्युसेकची वाढ
Why do most deaths in tiger attacks occur in Maharashtra
वाघांच्या हल्ल्यात सर्वाधिक मृत्यू महाराष्ट्रात का होतात?
Poor quality of 15 road works in Pimpri Chief Minister Eknath Shinde confession
पिंपरीतील १५ रस्त्यांच्या कामांचा दर्जा निकृष्ट; मुख्यमंत्री एकनाथ शिंदे यांची कबुली
Investigation closed by ED too Failure to trace the source of income in the offenses against the vicar
‘ईडी’कडूनही तपास बंद? वायकर यांच्या विरोधातील गुन्ह्यांत उत्पन्नाचा स्राोत शोधण्यात अपयश
NSE imposes 90 percent price ceiling for SME IPO
‘एसएमई आयपीओ’साठी एनएसईकडून ९० टक्के किंमत मर्यादेचा चाप
Services sector performance expanded in June
जूनमध्ये सेवा क्षेत्राच्या कामगिरीत विस्तार
mumbai reports 3 thousand dog bite incidents in three years
श्वान दंशाच्या घटनांमध्ये वाढ; मुंबईत तीन वर्षांत ३ हजार श्वान चाव्याच्या घटना
32 thousand crores fundraising through ipo in six months boom in ipo
विश्लेषण : सहा महिन्यांत ३२ हजार कोटींची निधी उभारणी… आयपीओ बाजारातील तेजी कुठवर?

हेही वाचा >>> अदानी समूहातील कंपन्यांचा नफा वर्षागणिक ५५ टक्के वाढीसह ३०,००० कोटींपुढे

लोकसभा निवडणुकीच्या निकालापूर्वीच्या अस्थिरतेमध्ये प्रमुख निर्देशांक निफ्टी आणि सेन्सेक्स गेल्या पाच सत्रात २ टक्क्यांहून अधिक घसरले. सर्वांचे लक्ष आता शनिवारी संध्याकाळच्या मतदानोत्तर कौल चाचणीकडे लागले आहे. निवडणुकीदरम्यान काही ठिकाणी घसरलेला मतदानाचा टक्का आणि भांडवली बाजारातील तीव्र चढ-उतारांमुळे गुंतवणूकदारांना सावध भूमिका घेण्यास प्रवृत्त केले आहे. बाजारातील कोणत्याही आकस्मिक प्रतिक्रियांपासून गुंतवणूक सुरक्षित राखण्यासाठी गुंतवणूकदार मजबूत क्षेत्रे आणि मूलभूतदृष्ट्या प्रबळ असलेल्या कंपन्यांच्या समभागांमध्ये त्यांची गुंतवणूक करत आहेत, असे मत जिओजित फायनान्शियल सर्व्हिसेस संशोधन प्रमुख विनोद नायर यांनी व्यक्त केले.

हेही वाचा >>> देशातील प्रमुख क्षेत्रांचा एप्रिलमध्ये ६.२ टक्क्यांनी विस्तार

सेन्सेक्समधील आघाडीच्या कंपन्यांमध्ये, टाटा स्टील, बजाज फायनान्स, एचडीएफसी बँक, पॉवर ग्रिड, इंडसइंड बँक, लार्सन अँड टुब्रो, आयसीआयसीआय बँकेचे समभाग तेजीत होते. तर, नेस्ले इंडिया, टाटा कन्सल्टन्सी सर्व्हिसेस, मारुती सुझुकी इंडिया, इन्फोसिस, ॲक्सिस बँक, हिंदुस्थान युनिलिव्हरच्या समभागात घसरण झाली. मुंबई शेअर बाजारच्या आकडेवारीनुसार, परदेशी संस्थात्मक गुंतवणूकदारांनी (एफआयआय) गुरुवारी ३,०५०.१५ कोटी रुपये मूल्याच्या समभागांची विक्री के ली.

बाजार आकडेवारी

सेन्सेक्स ७३,९६१.३१ ७५.७१ (०.१०%)

निफ्टी २२,५३०.७० ४२.०५ (०.१९%)

डॉलर ८३.४९ २०

तेल ८१.५३ -०.४०