नवी दिल्ली : केंद्र सरकारने नवीन वर्षात म्हणजेच १ जानेवारी २०२४ पासून म्हणजेच जानेवारी-मार्च तिमाहीसाठी सुकन्या समृद्धी योजनेवरील व्याजदरात २० आधार बिंदूंची आणि पोस्टातील तीन वर्षांच्या मुदत ठेवींच्या व्याजदरात १० आधार बिंदूंची वाढ करण्याचा निर्णय शुक्रवारी जाहीर केला. इतर सर्व अल्प बचत योजनांचे दर कायम ठेवण्यात आले आहेत.

सोमवारपासून (१ जानेवारी) लागू होणाऱ्या सुधारित दरांनुसार, सुकन्या समृद्धी योजनेंतर्गत ठेवींवर सध्याच्या ८ टक्क्यांवरून ८.२ टक्के व्याज मिळणार आहे. तर पोस्टातील तीन वर्षांच्या मुदत ठेवीवरील व्याजदर सात टक्क्यांवरून ७.१ टक्के करण्यात आले आहे. मात्र, लोकप्रिय असलेल्या सार्वजनिक भविष्यनिर्वाह निधीवरील (पीपीएफ) व्याजदरात केंद्रीय अर्थ मंत्रालयाने कोणताही बदल केलेला नाही आणि ते ७.१ टक्क्यांवर कायम ठेवण्यात आले आहेत. एप्रिल २०२० मध्ये पीपीएफचे व्याजदर ७.९ टक्क्यांवरून ७.१ टक्क्यांपर्यंत कमी केले गेले होते आणि तेव्हापासून म्हणजे मागील तीन वर्षांपासून त्यात कोणताही बदल करण्यात आलेला नाही.

Estimated 17 to 19 percent increase in income for jewelry sellers
सोन्यातील तेजीचा असाही परिणाम; सराफांचे उत्पन्न १७ ते १९ टक्क्यांनी वाढण्याचा अंदाज
Race for science admissions up 3 percent increase last year
विज्ञानाच्या प्रवेशासाठी चढाओढ, मुंबई विभागाचा निकाल ९१.९५ टक्के; गतवर्षीच्या तुलनेत ३ टक्क्यांनी वाढ
चौथ्या तिमाहीत विकासदर ६.२ टक्क्यांपर्यंत मंदावण्याचा अंदाज; तिमाही तसेच आर्थिक वर्षासाठी आकडेवारी ३१ मेला अपेक्षित
Increase in dengue cases in the state in last five years Mumbai
गेल्या पाच वर्षांत राज्यात डेंग्यूच्या रुग्णांमध्ये वाढ; मात्र मृत्यूच्या संख्येत घट
The price of gold is increasing
सोन्याची किंमत दिवसेंदिवस वाढतीच; गुंतवणूकदारांनी काय करावे?
LIC first installment income from new customers hits 12 year high with Rs 12383 crore in April up 113 percent
एलआयसीचे नवीन ग्राहकांच्या पहिल्या हप्त्यापोटी उत्पन्न १२ वर्षांच्या उच्चांकी; एप्रिल महिन्यात १२,३८३ कोटींसह ११३ टक्के वाढ
reserve bank
सोने तारण कर्जाचे रोखीत वितरण २०,००० रुपयांच्या मर्यादेपर्यंतच ;वित्तीय कंपन्यांना काटेकोर पालनाचे रिझर्व्ह बँकेचे निर्देश
The central government has not given new permission for onion export but the open export of onion from the country is closed
कांद्याची खुली निर्यात बंदच, केंद्राचे आकडे गेल्या वर्षभरातील

हेही वाचा >>> २०२३-२४ च्या मूल्यांकन वर्षात प्राप्तिकर रिटर्न भरणाऱ्यांकडून नवा विक्रम, ८ कोटींहून अधिक करदात्यांनी…

पोस्टातील बचत खात्यावरील व्याजदर देखील ४ टक्क्यांवर कायम ठेवण्यात आला आहे. राष्ट्रीय बचत प्रमाणपत्र आणि किसान विकास पत्रावर व्याजदर अनुक्रमे ७.७ टक्के आणि ७.५ टक्के कायम आहे. तसेच मासिक उत्पन्न योजनेसाठी (एमआयएस) व्याजदरात कोणतीही वाढ केलेली नाही आणि यामुळे गुंतवणूकदारांना त्यावर ७.४ टक्क्यांपर्यंत व्याज मिळेल.

व्याज लाभात वाढ जेमतेमच…

रिझर्व्ह बँकेने महागाई नियंत्रणाला प्राधान्य देत, मे २०२२ पासून रेपो दर २.५ टक्क्यांनी वाढवून ६.५ टक्क्यांवर नेला आहे. परिणामी बँकांना ठेवींवरील व्याजदरही वाढवण्यास प्रवृत्त केले गेले आहे. मात्र बँकांनी ठेवींवरील व्याजदर ज्या प्रमाणात वाढवले, तेवढीही वाढ अल्पबचत योजनांच्या व्याजदरात झालेली नाही.