नवी दिल्ली: खाद्यवस्तूंच्या किमती कमी झाल्याने सरलेल्या नोव्हेंबर महिन्यांत घाऊक महागाई दर १.८९ टक्क्यांवर ओसरल्याचे अधिकृत आकडेवारीने सोमवारी स्पष्ट केले. घाऊक महागाईची ही मागील तीन महिन्यांतील नीचांकी पातळी आहे.

घाऊक किंमत निर्देशांकावर आधारित घाऊक महागाईचा दर ऑक्टोबरमध्ये २.३६ टक्के होता. तो नोव्हेंबरमध्ये १.८९ टक्क्यांवर उतरला आहे. गेल्या वर्षी नोव्हेंबर महिन्यात हा दर ०.३९ टक्के होता. तर चालू वर्षात ऑगस्टमध्ये हा दर १.२५ टक्के पातळीवर होता. त्यानंतरची नीचांकी पातळी घाऊक महागाई दराने नोव्हेंबरमध्ये गाठली आहे. गेल्या महिन्यात प्रामुख्याने खाद्यवस्तूंची महागाई कमी झाली आहे. खाद्यवस्तूंच्या महागाईचा दर ऑक्टोबरमध्ये १३.५४ टक्के होता. तो नोव्हेंबरमध्ये ८.६३ टक्क्यांवर घसरला आहे.

हेही वाचा >>>ढासळत्या रुपयातून चलन गंगाजळीला खड्डा; उच्चांकी पातळीपासून ५० अब्ज डॉलरची घट

भाज्यांचा महागाई दर ऑक्टोबरमध्ये ६३.०४ टक्के होता, तो नोव्हेंबरमध्ये २८.५७ टक्क्यांपर्यंत खाली आला आहे. गेल्या महिन्यात बटाट्याच्या किमतीतील वाढ वार्षिक तुलनेत ८२.७९ टक्के झाली आहे. मात्र, कांद्याच्या महागाईत घसरण होऊन ती २.८५ टक्क्यांवर सीमित राहिली आहे. इंधन व ऊर्जा क्षेत्रातील महागाईचा दर कमी होऊन ५.८३ टक्के राहिला आहे. उत्पादित वस्तूंचा महागाईचा दर २ टक्क्यांवर पोहोचला आहे.

Reserve Bank inflation rate prediction for 2025 26
रिझर्व्ह बँक महागाई पुढील आर्थिक वर्षात महागाई दर ४.२ टक्के राहण्याचा अंदाज
pandit hridaynath Mangeshkar
हृदयनाथ मंगेशकर आकाशवाणीच्या नोकरीत खरंच होते का? कधी?
RBI repo rate interest rate BSE Nifty share market stock market Sensex
बहुप्रतीक्षित व्याजदर कपातीनंतरही शेअर बाजारात ‘सेन्सेक्स’मध्ये २०० अंशांची घसरण कशामुळे?
reserve bank of india marathi news
विश्लेषण : रिझर्व्ह बँकेकडून यंदा व्याजदर कपात निश्चित?
stock market news in marathi
सेन्सेक्सची त्रिशतकी घसरण, निफ्टी २३,७०० खाली; शेअर बाजाराच्या आजच्या सावध विरामाची कारणे काय?
rupee crosses 87 against dollar news in marathi
रुपया डॉलरमागे ८७ पार; सोने ८५ हजारांपुढे!, रुपयाच्या आणखी घसरणीची शक्यता
Petrol And Diesel Price on 3 february 2025
Petrol Diesel Price : सर्वसामान्यांना मिळणार दिलासा! आज महाराष्ट्रात कमी झाले पेट्रोल-डिझेलचे दर
What is the market share in the budget 2025
अर्थसंकल्पात बाजाराचा ‘शेअर’ किती?

व्याज दरात कपातीची शक्यता

महागाईतील घसरणीमुळे फेब्रुवारीमधील पतधोरणात रिझर्व्ह बँकेकडून व्याजदरात पाव टक्का कपात होऊ शकते, असा अंदाज बार्कलेज बँकेने वर्तविला आहे. बार्कलेज बँकेने म्हटले आहे की, पुढील वर्षी मार्चअखेरपर्यंत किरकोळ महागाईचा दर ४ टक्क्यांच्या आसपास राहील. रिझर्व्ह बँकेच्या किरकोळ महागाई संबंधाने अनुमानित उद्दिष्टाएवढा हा अंदाज आहे. यामुळे फेब्रुवारीतील पतधोरणात मध्यवर्ती बँकेकडून व्याजदरात पाव टक्का कपात अपेक्षित आहे.

Story img Loader