Premium

घाऊक महागाई दर ऑगस्टमध्ये उणे ०.५२ टक्के, सलग ५ महिने घाऊक महागाई शून्याच्या खाली

जुलैमध्ये उणे १.३६ टक्क्यांनी घसरल्यानंतर भारतातील घाऊक महागाई ऑगस्टमध्ये उणे ०.५२ टक्क्यांवर राहिली आहे.

Wholesale inflation rate
(Image – Pexels)

केंद्र सरकारने ऑगस्ट महिन्यातील घाऊक महागाई दराची आकडेवारी जाहीर केली आहे. ऑगस्टमध्ये घाऊक महागाई दर उणे ०.५२ टक्के होता. गेल्या पाच महिन्यांपासून तो नकारात्मक राहिला आहे. त्याचबरोबर खाद्यपदार्थ आणि इंधनाच्या किमतीतही वाढ दिसून आली. घाऊक किंमत निर्देशांक (WIP) आधारित चलनवाढीचा दर एप्रिलपासून नकारात्मक आहे आणि जुलैमध्ये तो उणे (-)१.३६ टक्के राहिला. गेल्या वर्षी ऑगस्ट २०२२ मध्ये तो १२.४८ टक्के होता. जर घाऊक महागाई दर खाली आला, तर ते महागाईपासून दिलासा मिळत असल्याचे संकेत समजले जातात.

या बातमीसह सर्व प्रीमियम कंटेंट वाचण्यासाठी साइन-इन करा

डिपार्टमेंट फॉर प्रमोशन ऑफ इंडस्ट्री अँड इंटरनल ट्रेडच्या आकडेवारीनुसार, जुलैमध्ये उणे १.३६ टक्क्यांनी घसरल्यानंतर भारतातील घाऊक महागाई ऑगस्टमध्ये उणे ०.५२ टक्क्यांवर राहिली आहे. घाऊक महागाईचे आकडे सलग पाच महिन्यांपासून नकारात्मक पातळीवर दिसत आहेत. रॉयटर्सने केलेल्या सर्वेक्षणात, अर्थशास्त्रज्ञांनी असा अंदाज वर्तवला होता की, ऑगस्टमध्ये WPI शून्यापेक्षा ०.६ टक्के कमी असू शकतो. जूनमध्ये घाऊक महागाई दर (-) ४.१२ टक्के होता, जो मेमध्ये (-) ३.४८ टक्के आणि एप्रिलमध्ये (-) ०.७९ टक्के होता.

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Wholesale inflation rate minus 0 52 percent in august 5 consecutive months of wholesale inflation below zero vrd

First published on: 14-09-2023 at 16:06 IST
Next Story
बजाज हाऊसिंग फायनान्स देत आहे फेस्टिव्ह होम लोन्स; व्याजदर दरवर्षी ८.४५ टक्क्यांपासून सुरू