India GDP growth 7.8 percent Q3 2026: केंद्र सरकारने आज (२७ फेब्रुवारी) दिलेल्या माहितीनुसार, ऑक्टोबर-डिसेंबर या तिमाहीत भारताची अर्थव्यवस्था मागील वर्षाच्या याच कालावधीच्या तुलनेत ७.८ टक्क्यांनी वाढली आहे. याआधीच्या तिमाहीत हा विकासदर ८.४ टक्के इतका नोंदवण्यात आला होता.
आर्थिक आकडेवारी अधिक अचूक करण्यासाठी, २०२२-२३ हे आधारभूत वर्ष (Base Year) असलेल्या सकल देशांतर्गत उत्पादनाच्या (जीडीपी) नवीन मालिकेमध्ये वस्तू आणि सेवा कर, ई-वाहन आणि स्वयंपाकी, ड्रायव्हर तसेच घरकाम करणाऱ्यांद्वारे पुरवल्या जाणाऱ्या घरगुती सेवांची माहिती समाविष्ट करण्यात आली आहे.
सांख्यिकी आणि कार्यक्रम अंमलबजावणी मंत्रालयाने नवीन मालिकेबाबत प्रसिद्ध केलेल्या ‘नेहमी विचारले जाणारे प्रश्न’ (FAQ) नुसार, अर्थव्यवस्थेत गेल्या काही वर्षांत झालेले बदल प्रतिबिंबित करण्यासाठी आधारभूत वर्ष वेळोवेळी अद्ययावत केले जाते.
राष्ट्रीय लेखांकनाचे (National Accounts) आधारभूत वर्ष २०११-१२ वरून बदलून २०२२-२३ असे सुधारित करण्यात आले आहे.
गेल्या काही वर्षांत अर्थव्यवस्थेत झालेल्या बदलांना प्रतिबिंबित करण्यासाठी आधारभूत वर्ष वेळोवेळी अद्ययावत केले जाते. आता नवीन आधार वर्ष २०११-१२ वरून २०२२-२३ असे सुधारण्यात आले आहे.
सांख्यिकी आणि कार्यक्रम अंमलबजावणी मंत्रालय दर पाच वर्षांनी विदा मालिकेत सुधारणा करत असले तरी, करोना महामारी आणि जीएसटीच्या अंमलबजावणीमुळे ते आधी करता आले नाही.
नवीन मालिकेत, अन-इन्कॉर्पोरेटेड सेक्टर एंटरप्राइजेसचे वार्षिक सर्वेक्षण आणि नियतकालिक कामगार दल सर्वेक्षणासारख्या नियमित वार्षिक सर्वेक्षणांचा वापर करून वास्तविक पातळीचे अंदाज तयार केले जात आहेत.
