पीटीआय, नवी दिल्ली – सूचिबद्ध इन्फ्रास्ट्रक्चर इन्व्हेस्टमेंट ट्रस्ट अर्थात इन्व्हिट्सने गुंतवणूकदारांना ऑक्टोबर-डिसेंबरमध्ये सुमारे ४ लाख युनिटधारकांना एकत्रितपणे ५,५६५ कोटी रुपयांचा परतावा वितरित केला आहे. गुंतवणूकदारांनी आणखी एका तिमाही स्थिर वाढीचा अनुभव घेतला आहे.
इन्व्हिट्सने चालू आर्थिक वर्षाच्या दुसऱ्या तिमाहीत त्यांच्या युनिटधारकांना ४,२८७ कोटी रुपयांचा परतावा दिला आहे. निधी वितरण हे युनिटधारकांना दिले जाणारे एकूण परतावे दर्शवते आणि त्यात व्याज, लाभांश, भांडवलाची परतफेड आणि इतर उत्पन्न प्रवाह असे अनेक घटक समाविष्ट आहेत. लाभांश हा एकूण वितरणातील घटकांपैकी एक आहे आणि तो निर्माण झालेल्या परताव्याच्या भागाचे प्रतिबिंबित करतो.
भारत इनव्हिट असोसिएशनच्या मते, इनव्हिट बाजारामध्ये मालमत्ता आधार आणि गुंतवणूकदारांच्या सहभागाच्या बाबतीत स्थिर विस्तार दिसून आला आहे. सूचिबद्ध इन्व्हिट्सच्या व्यवस्थापनाखालील एकूण मालमत्ता ७ लाख कोटी रुपये आहे, ज्यामध्ये देशभरात रस्ते, ट्रान्समिशन, अक्षय्य ऊर्जा आणि इतर मुख्य पायाभूत सुविधा विभागांसह विविध पोर्टफोलिओंचा समावेश आहे. आर्थिक वाढीचा प्रमुख चालक म्हणून पायाभूत सुविधांच्या विकासावर सरकारने लक्ष केंद्रित केल्याने या वाढीला अधिक चालना मिळाली आहे.
इन्व्हिट्स परिसंस्था विस्ताराच्या एका नवीन टप्प्यात प्रवेश करत आहे, ज्यामध्ये देशांतर्गत आणि जागतिक गुंतवणूकदारांचा सहभाग वाढतो आहे. कार्यक्षम भांडवल पुनर्वापर शक्य असून देशाच्या पायाभूत सुविधा गुंतवणूक परिदृश्याला खोलवरपरिणाम करेल, असे इन्व्हिट्स असोसिएशनचे मुख्याधिकारी एन एस वेंकटेश म्हणाले.
