वृत्तसंस्था, नवी दिल्ली
वाहननिर्मिती क्षेत्रातील ह्युंदाई मोटर इंडिया कंपनीने प्रारंभिक समभाग विक्रीसाठी (आयपीओ) भांडवली बाजार नियंत्रक सेबीकडे प्राथमिक अर्ज सादर केला आहे. कंपनी या माध्यमातून २५ हजार कोटी रुपयांचा निधी उभारणार असून, हा देशातील आजवरचा सर्वांत मोठा ‘आयपीओ’ ठरण्याची शक्यता आहे.

कोरियातील कंपनीच्या या उपकंपनीचा हा ‘आयपीओ’ मागील २० वर्षांतील कोणत्याही वाहन निर्मात्या कंपनीकडून देशाच्या भांडवली बाजाराला आजमावण्याचा पहिलाच प्रसंग असेल. या आधी मारूती सुझुकी कंपनीचा आयपीओ २००३ मध्ये आला होता. या खुल्या समभाग विक्रीनंतर ह्युंदाईचे बाजारमूल्य १.५ लाख कोटी रुपयांवर जाण्याचा अंदाज आहे. ‘सेबी’कडे दाखल मसूदा प्रस्तावाला मंजुरी मिळाल्यानंतर कंपनी हा सर्वांत मोठा आयपीओ बाजाराला धडक देण्याची शक्यता आहे.

Major indices Sensex and Nifty indices closed higher on buying in bank stocks print eco news
परदेशी गुंतवणूक ओघाने, निर्देशांकांची उच्चांकी झेप
Christopher Wood, Influential Global Head of Equity Strategy at Jefferies, Financial Journalist, investment analyst, Jefferies, CLSA, stock market, share market, capital market, recession, finance article,
बाजारातली माणसं : वर्तमानात भविष्याची वाट दाखवणारा – ख्रिस्तोफर वुड
My portfolio SP Apparels products Garment Retail Division
माझा पोर्टफोलियो – लहानग्यांच्या ‘एंजल’ची दिगंत कीर्ती
pooja khedkar ias news in marathi
IAS पूजा खेडकर यांचे कारनामे दिल्लीपर्यंत पोहोचले; थेट पंतप्रधान कार्यालयानं घातलं लक्ष, LBSNAA नंही मागवला अहवाल!
IAS Pooja Khedkar father Dilip Khedkar
Pooja Khedkar Father First Reaction : IAS पूजा खेडकर यांचे वडील दिलीप खेडकर यांची पहिली प्रतिक्रिया; म्हणाले, “माझ्या मुलीने चूक…”
Raj Rajaratnam and the scam happen with Goldman Sachs in year 2009 in US
वित्तरंजन : नीतिमत्ता वेशीवर टांगणारा – राज राजरत्नम
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
Hybrid multi asset category best in volatile markets
अस्थिर बाजारात हायब्रिड, मल्टी ॲसेट श्रेणी सर्वोत्तम

हेही वाचा >>>बाजारातली माणसं : वर्तमानात भविष्याची वाट दाखवणारा – ख्रिस्तोफर वुड

दक्षिण कोरियातील पालक कंपनीकडून ह्युंदाई मोटार इंडियातील १७.५ टक्के हिस्सा या आयपीओच्या माध्यमातून विकला जाईल. मारूती सुझुकीनंतर ह्युंदाई ही देशातील दुसऱ्या क्रमांकाची मोठी वाहन निर्मिती आणि निर्यातदार कंपनी आहे. कंपनी नवीन समभागांची विक्री आयपीओच्या माध्यमातून करणार नाही. याऐवजी सध्याचे भागधारक कंपनीतील त्यांचा समभाग हिस्सा कमी करून त्याची विक्री किरकोळ आणि संस्थात्मक गुंतवणूकदारांना आयपीओच्या माध्यमातून करतील.

देशातील पाच मोठ्या निधी-उभारणी
कंपनी        निधी उभारणी (कोटी रु.)        सूचिबद्धता तारीख
एलआयसी       २१,००८.४८    १७ मे २०२२
पेटीएम            १८,३००              १८ नोव्हें. २०२१
व्होडाफोन-आयडिया       १८,०००    २५ एप्रिल २०२४
कोल इंडिया लि.          १५,१९९.४४     ४ नोव्हें. २०१०
येस बँक            १५,०००          २७ जुलै २०२०
(यापैकी व्होडाफोन-आयडिया आणि येस बँके यांचे ‘एफपीओ’)

‘ई-व्ही’ किंमत स्पर्धात्मकतेवर भर

ह्युंदाई मोटर इंडिया भारतात इलेक्ट्रिक वाहनांच्या (ईव्ही) किंमतीच्या आघाडीवरील स्पर्धात्मकता वाढवण्याचा विचार करत असून, त्या दिशेने सेल, बॅटरी पॅक, पॉवर इलेक्ट्रॉनिक्स आणि ड्राईव्हट्रेन यांसारख्या प्रमुख भागांसाठी स्थानिक उत्पादन क्षमता विकसित करण्यावर आणि स्थानिक पुरवठा साखळी तयार करण्यावर ती लक्ष केंद्रित करत आहे. ‘आयपीओ’ तारखेच्या आसपास आर्थिक वर्षाच्या शेवटच्या तिमाहीत क्रेटा ईव्हीसह भविष्यात, प्रत्येक किंमत विभागामध्ये आदर्श ठरेल अशी चार ई-व्ही मॉडेल्स आणण्याची तिची योजना आहे.