मुंबई : भांडवली बाजारातील प्रमुख निर्देशांक सेन्सेक्स आणि निफ्टीची उच्चांकी दौड कायम असून मंगळवारच्या सत्रात दोन्ही निर्देशांकांनी ऐतिहासिक शिखर गाठले.आयसीआयसीआय बँक, एचडीएफसी बँक आणि इन्फोसिस या निर्देशांकातील वजनदार कंपन्यांच्या समभागांमध्ये झालेल्या खरेदीच्या जोरावर निर्देशांकांनी उच्चांकी पातळी गाठली. या जोडीला परदेशी निधीच्या ताज्या प्रवाहामुळे गुंतवणूकदारांचा आत्मविश्वास वाढला, असे बाजार विश्लेषकांनी सांगितले. क्षेत्रीय पातळीवर, गृहनिर्माण, ग्राहकोपयोगी वस्तू क्षेत्रातील समभागांच्या तीव्र मागणीच्या पार्श्वभूमीवर सेन्सेक्स आणि निफ्टी त्यांच्या नवीन सार्वकालिक उच्च पातळीवर स्थिरावले.

सलग चौथ्या सत्रात वाढ होऊन, मुंबई शेअर बाजाराचा निर्देशांक सेन्सेक्समध्ये ३०८.३७ अंशांची भर पडली आणि तो ७७,३०१.१७ या सर्वोच शिखरावर स्थिरावला. दिवसभरात, त्याने ३७४ अंशांची कमाई करत ७७,३६६.७७ या सर्वोच शिखराला स्पर्श केला होता. तर दुसरीकडे राष्ट्रीय शेअर बाजाराचा निर्देशांक निफ्टी २३,५५७.९० या विक्रमी उच्चांकावर पोहोचला. त्यात ९२.३० अंशांची वाढ झाली. सत्रादरम्यान तो ११३.४५ अंशांनी वाढून २३,५७९.०५ या नवीन ऐतिहासिक पातळीवर पोहोचला होता.मंगळवारी ‘फिच रेटिंग्ज’ने ग्राहक उपभोगातील दमदार वाढ आणि वधारत असलेल्या खासगी गुंतवणुकीचा हवाला देत चालू आर्थिक वर्षासाठी अर्थव्यवस्थेच्या वाढीचा अंदाज मार्चमधील ७ टक्क्यांच्या पातळीवरून सुधारून ७.२ टक्क्यांवर नेला, याचे बाजारात सकारात्मक पडसाद उमटले.

Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
wrestler Suraj Nikam Suicide
‘कुमार महाराष्ट्र केसरी’ सूरज निकमने गळफास घेत आयुष्य संपवलं, कुस्ती विश्वावर शोककळा
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Tukaram mundhe
तुकाराम मुंढे यांची पुन्हा बदली, ‘या’ खात्याचा पदभार स्वीकारण्याचे मंत्रालयाकडून आदेश!
What happens to your body when you have sex every day
रोज सेक्स केल्याने शरीर, मन व नात्यात काय बदल होतात? थट्टा, मस्करी न करता डॉक्टरांनी दिलेली ही माहिती वाचा
Rape case Story
१२ व्या वर्षी गँगरेप, १३व्या वर्षी मातृत्त्व; २४ वर्षांनी त्याच मुलाने आईचे पांग फेडले, नराधमांना शोधून घेतला बदला!
Rohit Sharma abused Rishabh Pant and badly scolds for Dropped Easy Catch of Mitchell Marsh Video Viral
ऋषभ पंतने सोपा झेल सोडल्याचे पाहता रोहितने भर मैदानात घातली शिवी, रागाने लालबुंद झालेल्या कॅप्टनचा VIDEO व्हायरल
Saurabh Netravalkar Exclusive Interview
“मला रंगांधळा म्हणत त्यांनी..”, सौरभ नेत्रावळकरने सांगितला भारत सोडण्याआधीचा किस्सा; म्हणाला, “दोन वर्षं मागितली..”

हेही वाचा >>>ह्युंदाई मोटर इंडियाचा लवकरच ‘महा-आयपीओ’

सेन्सेक्समधील आघाडीच्या ३० कंपन्यांमध्ये पॉवरग्रिड, विप्रो, आयसीआयसीआय बँक, टायटन, महिंद्र अँड महिंद्र, ॲक्सिस बँक, एचडीएफसी बँक, इन्फोसिस, जेएसडब्ल्यू स्टील आणि स्टेट बँकेचे समभाग तेजीत होते. तर मारुती, अल्ट्राटेक सिमेंट, टाटा स्टील, टाटा मोटर्स, आयटीसी आणि टाटा कन्सल्टन्सी सर्व्हिसेसच्या समभागात घसरण झाली. परदेशी संस्थागत गुंतवणूकदारांनी (एफआयआय) शुक्रवारच्या सत्रात २,१७५.८६ कोटी रुपये मूल्याच्या समभागांची खरेदी केली.

गुंतवणूकदार १०.२९ लाख कोटींनी श्रीमंत

भांडवली बाजारातील सरलेल्या चार सत्रातील तेजीने गुंतवणूकदारांच्या श्रीमंतीत १०.२९ लाख कोटींची भर घातली आहे. याचबरोबर मुंबई शेअर बाजारातील सूचिबद्ध कंपन्यांचे बाजारभांडवल ४३७.२४ लाख कोटी रुपयांच्या नवीन विक्रमी उच्चांकावर पोहोचले आहे. प्रमुख निर्देशांक सेन्सेक्स आणि निफ्टीची विक्रमी धाव कायम आहे.

शेअर बाजार आकडेवारी

सेन्सेक्स ७७,३०१.१७ ३०८.३७ (०.४%)

निफ्टी २३,५५७.९० ९२.३० (०.३९%)

डॉलर ८३.४२ – १३

तेल ८४.०२ -०.२७