लोकसत्ता व्यापार प्रतिनिधी

मुंबई: आधीच्या ७ टक्क्यांवरून ७.२ टक्के असा विकासदराबाबत सुधारित आशावादी अंदाज रिझर्व्ह बँकेने व्यक्त केल्याचे शुक्रवारी भांडवली बाजारात उत्सवी प्रतिबिंब उमटले. प्रमुख निर्देशांक २ टक्क्यांहून अधिक उसळलेल्या सप्ताहअखेरच्या सत्रात ‘सेन्सेक्स’ने नव्या उच्चांकी शिखराला पादाक्रांत केले.

india Post scam
भारतीय पोस्ट खात्याच्या नावे लोकांची आर्थिक फसवणूक; काय आहे हा घोटाळा? कशी टाळता येईल फसवणूक?
46 7 million new jobs created in fy24 says rbi report
वर्षभरात ४.६७ कोटी नवीन नोकऱ्यांची निर्मिती – रिझर्व्ह बँक; गेल्या आर्थिक वर्षात रोजगार वाढीचा दर ६ टक्क्यांवर
NSE imposes 90 percent price ceiling for SME IPO
‘एसएमई आयपीओ’साठी एनएसईकडून ९० टक्के किंमत मर्यादेचा चाप
Reliance Industries market capitalization at 21 lakh crores
‘सेन्सेक्स’ ७९ हजारांच्या पातळीवर कायम; रिलायन्स इंडस्ट्रीजचे बाजार भांडवल २१ लाख कोटींवर
Banks gross NPAs at multi year low of 2 8 percent
बँकांचा सकल ‘एनपीए’ २.८ टक्क्यांच्या बहुवार्षिक नीचांकावर; पत-गुणवत्तेत आणखी सुधाराचा रिझर्व्ह बँकेला विश्वास
When will the dream of a trillion dollar economy come true
एक लाख कोटी डॉलरच्या अर्थव्यवस्थेचे स्वप्न कधी साकार?
positive on gdp growth working to bring inflation under control says rbi governor shaktikanta das
अर्थव्यवस्थेच्या वाढीबाबत सकारात्मक; चलनवाढीत घसरणीचीही गव्हर्नर शक्तिकांत दास यांना आशा
Rising food prices, Reserve Bank of india
खाद्यवस्तूंच्या वाढत्या किमती चिंताजनक – रिझर्व्ह बँक; मासिक पत्रिकेत महागाईबाबत इशारा

दिवसअखेर मुंबई शेअर बाजाराचा निर्देशांक १,६१८.८५ अंशांनी वधारून ७६,६९३.३६ अंशांच्या सर्वकालिक उच्चांकावर स्थिरावला. दिवसभरात त्याने १,७२०.८ अंशांची कमाई करत ७६,७९५.३१ या विक्रमी शिखराला स्पर्श केला होता. दुसरीकडे राष्ट्रीय शेअर बाजाराचा निर्देशांक निफ्टीने देखील ४९८.८ अंशांची कमाई करत २३,३२०.२० अंशांची पातळी गाठली. हा निर्देशांक विक्रमी उच्चांकापासून केवळ १८.५ अंशांनी मागे राहिला. अखेर तो ४६८.७५ अंशांनी वधारून २३,२९०.१५ या पातळीवर विसावला.

आणखी वाचा-‘इक्सिगो’ची बाजाराला धडक; ‘आयपीओ’ १० जूनपासून

रिझर्व्ह बँकेने शुक्रवारी अपेक्षेप्रमाणे रेपोदर अपरिवर्तित राखले, विकासाबरोबरच महागाई कमी करण्यावर रिझर्व्ह बँकेने लक्ष केंद्रित केले आहे. केंद्रात सत्तेवर येणारे रालोआ सरकार स्थिर राहण्याची अपेक्षा आणि विकासदराचा ७.२ टक्क्यांच्या सुधारित आशावादाने देशांतर्गत भांडवली बाजाराला चालना दिली. परिणामी शेअर बाजाराने नवीन मागील विक्रमी उच्चांकी शिखर गाठले, असे निरीक्षण जिओजित फायनान्शियल सर्व्हिसेस संशोधन प्रमुख विनोद नायर यांनी नोंदवले.

आणखी वाचा-गुंतवणूकदार १३.२२ लाख कोटींनी श्रीमंत;‘सेन्सेक्स’ची २,३०० अंशांची भरपाई

सेन्सेक्समधील सर्व ३० कंपन्यांचे समभाग सकारात्मक पातळीवर व्यवहार करत स्थिरावले. ज्यात महिंद्र अँड महिंद्र, विप्रो, टेक महिंद्र, भारती एअरटेल, इन्फोसिस आणि टाटा स्टील यांचे समभाग तेजीत होते. व्यापक बाजाराचे प्रतिनिधित्व करणारे बीएसई स्मॉलकॅप २.१८ टक्क्यांनी आणि मिडकॅप निर्देशांक १.२८ टक्क्यांनी वधारला. सर्व निर्देशांक सकारात्मक पातळीत स्थिरावले. दूरसंचार ३.७८ टक्क्यांनी, माहिती तंत्रज्ञान ३.३८ टक्क्यांनी, तर धातू २.१५ टक्के, ऊर्जा १.९९ टक्क्यांनी वधारले. शुक्रवारी सरलेल्या आठवडाभरात सेन्सेक्सने ३.६९ टक्क्यांनी म्हणजेच २,७३२.०५ अंशांनी वधारला आणि निफ्टीने ७५९.४५ अंशांची म्हणजेच ३.३७ टक्क्यांची वाढ नोंदवली. उपलब्ध माहितीनुसार, परदेशी संस्थागत गुंतवणूकदारांकडून (एफआयआय) विक्रीचा सपाटा सुरू असून, गुरुवारी त्यांनी ६,८६७.७२ कोटी रुपये मूल्याच्या समभागांची विक्री केली.

सेन्सेक्स ७६,६९३.३६ १,६१८.८५ (२.१६%)
निफ्टी २३,२९०.१५ ४६८.७५ (२.०५%)
डॉलर ८३.३९ -१४
तेल ७९.९५ ०.०४