MRF Most Expensive Share : ७१ वर्षांपूर्वी टायरच्या व्यवसायात उतरलेल्या एका व्यक्तीला कधी तरी टायरच्या व्यवसायात आपली कंपनी भारतात नंबर वन होईल, असे वाटले नसेल. पण कष्ट करणाऱ्यांचे नशीब बदलायला वेळ लागत नाही. ही गोष्ट आहे मद्रासमधील टायर बनवणाऱ्या कंपनीची. तसेही कंपनी नेहमीच लोकांच्या गाड्यांवर वर्चस्व गाजवते, परंतु आज ती सर्वाधिक चर्चेत आहे. भारतातील टायर व्यवसायात ही कंपनी केवळ नंबर वन बनली नाही, तर तिने शेअर्समध्येही इतिहासही रचला आहे. या इतिहासामुळे आज अनेक गुंतवणूकदार करोडपती झाले आहेत, तेही केवळ हजार रुपयांच्या गुंतवणुकीत. भारतीय शेअर बाजारातील मूल्यानुसार सर्वात मोठा स्टॉक असलेल्या MRF लिमिटेडने मंगळवारी (१३ जून २०२३) पुन्हा एक नवीन विक्रम रचला आहे. एमआरएफच्या समभागांनी एक टक्क्याने वाढ करून १ लाख रुपयांचा टप्पा गाठला आहे. भारतीय बाजारपेठेत १ लाख रुपयांचा टप्पा ओलांडणारा हा पहिला शेअर ठरला आहे. आज व्यापार सत्राच्या सुरुवातीला एमआरएफचे शेअर्स १.४८ टक्क्यांनी वाढून ५२ आठवड्यांच्या उच्चांकी १,००,४३९.९५ रुपयांवर पोहोचले. तसेच शेअरने BSE वर १,००,३०० च्या पातळीला स्पर्श केला. एमआरएफ स्टॉकची मागील सर्वोच्च पातळी ९९,९३३ रुपये प्रति शेअर होती, तो ८ मे रोजी या पातळीवर पोहोचला होता. कंपनीने ८ मे रोजी इतिहास रचला खरं तर आपण मद्रास रबर फॅक्टरी (MRF) बद्दल बोलत आहोत. भारतातील नंबर वन टायर उत्पादक कंपनी MRF ने सोमवारी (८ मे २०२३) शेअर बाजारात इतिहास रचला आहे आणि कंपनीचा शेअर हा भारतातील सर्वात महागडा शेअर बनला आहे. एमआरएफ स्टॉकने १ लाखाचा आकडा गाठला आहे. मात्र, नंतर त्यात घट झाली. दुपारी 2 वाजता कंपनीचा शेअर बाजारात ९७,००० रुपये प्रति शेअरवर व्यवहार करीत होता. सोमवारच्या व्यवहारात एमआरएफचा शेअर ९९,९३३.५० रुपयांवर पोहोचला आणि ५२ आठवड्यांच्या नवीन उच्चांकावर होता. २३ वर्षांत शेअर १० हजार टक्क्यांनी वाढला सोमवारी (८ मे २०२३) आठवड्याच्या पहिल्या दिवशी MRF चा शेअर्स ९८,६२० वर उघडला. त्यानंतर तो ९९,९३३ रुपयांच्या इंट्राडे उच्चांकावर पोहोचला. मग ९८,६१४.०५ रुपयांवर बंद झाला. त्याच्या उच्चांकाबद्दल बोलायचे झाल्यास MRF ने २० वर्षांत शेअर्सद्वारे आपल्या गुंतवणूकदारांना १०० पट परतावा दिला आहे. २०२३ पासून गुंतवणूकदारांनी MRF च्या शेअर्समधून मोठा फायदा मिळवला असून, १ महिन्याच्या कालावधीत त्याच्या स्टॉकमध्ये १६ टक्के वाढ झाली आहे. २००० साली MRF च्या शेअरची किंमत १००० रुपये होती आणि सोमवार ८ मे २०२३ रोजी MRF शेअर १ लाख रुपयांवर पोहोचला आहे. गेल्या २३ वर्षांत MRF स्टॉक १०,००० टक्क्यांहून अधिक वाढला आहे. ११ रुपयांपासून १ लाखाचा प्रवास १९९३ मध्ये जर एखाद्याने MRF शेअर्समध्ये फक्त ११ रुपये गुंतवले असते, तर आज ते १ कोटींहून अधिक झाले आहे. १९९३ मध्ये MRF च्या १ शेअरची किंमत ११ रुपये होती आणि २०२३ मध्ये ८ मे रोजी त्याच्या शेअरची किंमत १ लाख रुपये झाली आहे. २००० मध्ये MRF चा हिस्सा प्रति शेअर १ हजार रुपये होता. २०१२ मध्ये तो १०,००० रुपये आणि २०१० मध्ये २५,००० रुपयांपर्यंत वाढला आणि २०१८ मध्ये MRF स्टॉक ७५,००० रुपयांपर्यंत वाढला. तो भारतातील सर्वात महागडा स्टॉक कसा बनला? प्रति शेअर १ लाख रुपयांच्या किमतीचा आकडा गाठल्यानंतर MRF हा भारतातील सर्वात महागडा स्टॉक बनला आहे. तेव्हापासून लोकांच्या मनात प्रश्‍न निर्माण होऊ लागले आहेत की, शेअर बाजारात अनेक मोठ्या मार्केट कॅपिटलायझेशन कंपन्या आहेत, पण त्यांच्या शेअरची किंमत तेवढी नाही. मग काय कारण असेल की, MRF स्टॉक भारतातील सर्वात महाग स्टॉक बनला आहे. यामागचे कारण म्हणजे MRF कधीच दुभंगले नाही. १९५७ पासून कंपनीचे शेअर्स मार्केटमध्ये कधीही विभाजित झाले नाहीत, तर MRF ने १९७० मध्ये १:२ आणि १९७५ मध्ये ३:१० च्या प्रमाणात बोनस शेअर जारी केले होते, ज्यामुळे त्यांचा स्टॉक इतका महाग झाला आहे. एमआरएफ १९४६ मध्ये व्यवसायातून बाहेर पडले MRF चे पूर्ण नाव मद्रास रबर फॅक्टरी आहे. १९४६ मध्ये कंपनीने फुगे बनवण्याचा व्यवसाय सुरू केला. १९५२ मध्ये कंपनीने टायर व्यवसायात प्रवेश केला. ही कंपनी १९६१ मध्ये शेअर बाजारात लिस्ट झाली. MRF चे भारतात २५०० पेक्षा जास्त वितरक आहेत आणि कंपनी भारतातील सर्वात मोठी टायर कंपनी असताना जगातील ७५ पेक्षा जास्त देशांमध्ये टायर्सची निर्यात करते. भारतातील सर्वात महागड्या शेअर्समध्ये पेज इंडस्ट्रीज (४१,००० रुपयांपेक्षा जास्त), हनीवेल (३६,००० रुपयांपेक्षा जास्त) आणि श्री सिमेंट (२४,५०० रुपयांपेक्षा जास्त) यांचा समावेश होतो.
