जगावर युद्धाची छाया गडद झाली असताना शेअर बाजार हेलकावे खात आहे, तर अशाही स्थितीत ‘मंदीचे सोबती’ ठरलेल्या संरक्षण क्षेत्रातील कंपन्यांच्या शेअरमध्ये जोरदार तेजी दिसून आली आहे.अमेरिका आणि इस्रायलने इराणवर केलेल्या हल्ल्यानंतर पश्चिम आशियातील तणाव वाढत असताना, ज्यामुळे इराणकडूनही संपूर्ण प्रदेशात प्रत्युत्तरात्मक हल्ले केले जात आहेत.
आयडियाफोर्ज टेक्नॉलॉजीचे शेअर सोमवारच्या सत्रात १५.११ टक्क्यांनी वाढले, पारस डिफेन्स अँड स्पेस टेक्नॉलॉजीज १३.१४ टक्क्यांनी, सिका इंटरप्लांट सिस्टम्स ४.२५ टक्क्यांनी, भारत डायनॅमिक्स ४ टक्क्यांनी, भारत इलेक्ट्रॉनिक्स २.७७ टक्क्यांनी आणि हिंदुस्तान एरोनॉटिक्स १.७५ टक्क्यांनी वधारले.
शेअर बाजारात, सकाळी सेन्सेक्स १,१३१.०२ अंशांनी घसरून ८०,१२३.०९ वर व्यवहार करतो आहे. सेन्सेक्समधील घसरणीमुळे गुंतवणूकदारांचे सुमारे ८ लाख कोटी रुपयांची झळ बसली आहे. शनिवारी पहाटे तेहरानवर अमेरिका-इस्रायली यांच्या समन्वयित हवाई हल्ल्यात इराणचे सर्वोच्च नेते अयातुल्ला अली खामेनी यांचा मृत्यू झाला, रविवारी इराणी माध्यमांनी त्यांच्या मृत्यूची पुष्टी केली. इराणने आपल्या सर्वोच्च नेत्याच्या हत्येचा बदला घेण्यासाठी इस्रायल आणि त्या प्रदेशातील अरब देशांवर क्षेपणास्त्रे डागण्यास सुरुवात केली आहेत.
ईटीएफ तेजीत
सोने आणि चांदीच्या एक्सचेंज-ट्रेडेड फंडामध्ये (ETF) मोठी वाढ झाली, कारण गुंतवणूकदार सुरक्षित-गुंतवणूक पर्यायी मालमत्तेकडे वळले. जागतिक शेअर बाजारांवर दबाव येऊ शकतो तरीही वाढत्या भू-राजकीय जोखमीमुळे मौल्यवान धातूंमध्ये नवीन गुंतवणूक वाढेल असा विश्लेषकांचा अंदाज आहे.
सकाळच्या सत्रात सेन्सेक्स आणि निफ्टी सुमारे १.४ टक्क्यांनी घसरले होते, तर चांदीशी संबंधित ईटीएफमध्ये ९ टक्क्यांनी वाढ झाली. एंजल वन सिल्व्हर ईटीएफमध्ये सुमारे ९ टक्क्यांनी वाढ झाली, टाटा सिल्व्हर ईटीएफ, आयसीआयसीआय प्रुडेन्शियल सिल्व्हर ईटीएफ आणि अॅक्सिस सिल्व्हर ईटीएफमध्ये ६ टक्क्यांहून अधिक वाढ झाली. एसबीआय आणि एचडीएफसी ईटीएफमध्ये ५ ते ६ टक्क्यांनी वाढ झाली. सोन्याचे, बहुतेक ईटीएफ मागील बंदपेक्षा ३-४ टक्क्यांनी जास्त व्यवहार करत होते.
