मुकेश अंबानींनी जेवढं गमावलं, त्याच्या दुप्पट गौतम अदानींनी कमावलं! श्रीमंतांच्या यादीत मोठी उलथापालथ

अदानींनी जेवढं कमावलं तेवढं अंबानींनी गमावलं

रिलायन्स समूहाचे अध्यक्ष मुकेश अंबानी यांच्या निव्वळ संपत्ती या वर्षी मोठी घट पाहायला मिळाली. अंबानींच्या संपत्तीत एकूण १८.९ अब्ज डॉलरची घसरण झाली आहे. म्हणजे अंबानींनी जेवढं गमावलं, त्याच्या दुप्पट कमाई गौमत अदानी यांनी केली. या वर्षात अदानी समूहाचा मोठ्या प्रमाणात विस्तार झाला. अनेक नवीन कंपन्यांचे हंस्तातरण करण्यात आले. ज्याचा फायदा उद्योगपती गौतम अदानींना झाला.

एलॉन मस्क यांची घोडदौड सुरुच

ब्लूमबर्ग बिलिनेअर इंडेक्सनुसार, एलॉन मस्क यांच्या संपत्तीत बुधवारी एकाच दिवसात ४.८६ अब्ज डॉलरची वाढ झाली. यानंतर त्यांची नेटवर्थ ७३८ अब्ज डॉलर्सवर पोहोचली आहे. जागतिक श्रीमंताच्या यादीत दुसऱ्या क्रमांकावर गुगलचे संस्थापक लॅरी पेज असून त्यांची संपत्ती ३२८ अब्ज डॉलर आहे. तर तिसऱ्या क्रमांकावर त्यांचे सहकारी सर्गेई ब्रिन ३०५ अब्ज डॉलरच्या संपत्तीसह विराजमान आहेत. ॲमेझॉनचे संस्थापक जेफ बेजोस २९० अब्ज डॉलरसह चौथ्या तर लॅरी एलिसन २४७ अब्ज डॉलरच्या संपत्तीसह पाचव्या नंबरवर आहेत.

फेसबुकचे संस्थापक मार्क झुकरबर्ग यांची नेटवर्थ २२५ अब्ज डॉलर असून या यादीत ते ६व्या स्थानावर आहेत. मायकल डेल १९२ अब्ज डॉलरच्या संपत्तीसह ७व्या नंबरवर आहेत. जेन्सन हुआंग (१७६ अब्ज डॉलर) आठव्या, बर्नाड आरनॉल्ट (१६४ अब्ज डॉलर) नऊ आणि जिम वॉल्टन १०व्या स्थानावर आहेत. जगातील पहिल्या १० श्रीमंतांमध्ये एकाही भारतीय व्यक्तीचे नाव नाही. या यादीत गौतम अदानी १७व्या तर मुकेश अंबानी (८८.८ अब्ज डॉलर) २१ नंबरवर आहेत. या वर्षी अंबानींच्या संपत्तीत १८.९ अब्ज डॉलरची घट झाली आहे.