मोठ्या उसळीनंतर सोने-चांदीचा यू-टर्न! आज पुन्हा दरात घसरण; एक तोळ्याचा भाव तपासा

आजचे सोन्या-चांदीचे दर

एमसीएक्स वर सकाळी ९ वाजेपर्यंत चांदी सुमारे ७९१ रुपयांनी घसरून २,३१,८९९ रुपये प्रति किलोग्राम वर आली. तर सोन्याचा भाव ११७ रुपयांनी घसरून १,५१,११३ रुपये प्रति १० ग्रॅम वर पोहोचला आहे.

प्रमुख शहरांमधील सोन्याचे दर

किमती घसरण्यामागची मुख्य कारणे

• पश्चिम आशियातील वाढत्या तणावामुळे ब्रेंट क्रूड १.२० टक्क्यांनी वाढून १०७ डॉलर प्रति बॅरलवर पोहोचले आहे. यामुळे महागाई वाढण्याची भीती निर्माण झाली आहे.
• महागड्या तेलामुळे मध्यवर्ती बँकांना व्याजदरात कपात करणे कठीण जात आहे. सोन्या-चांदीवर कोणतेही नियमित व्याज मिळत नसल्याने गुंतवणूकदार इतर पर्यायांकडे वळत आहेत.
• डॉलर इंडेक्स ०.०५ टक्क्यांनी वाढून ९९.५३ वर पोहोचला आहे. डॉलर मजबूत झाल्यामुळे इतर चलनांमधून सोने-चांदी खरेदी करणे महाग पडते, ज्यामुळे मागणीवर परिणाम होतो.
• अमेरिकेची १० वर्षांची बॉन्ड यील्ड ५ टक्क्यांवर पोहोचली असून, हा २०२३ नंतरचा उच्चांक आहे. यील्ड वाढल्यामुळे गुंतवणूकदारांसाठी फिक्स रिटर्न देणारे पर्याय अधिक आकर्षक ठरत आहेत.

सोने-चांदी अजून घसरणार?

बाजार तज्ज्ञांचे लक्ष सध्या अमेरिकेच्या फेडरल बँकेच्या निर्णयांकडे लागले आहे. जर महागाई लवकर नियंत्रणात आली नाही, तर मध्यवर्ती बँकेला व्याजदर वाढवण्याचा विचार करावा लागेल. याआधी फेडचे अध्यक्ष केव्हिन वॉर्श यांनी व्याजदर वाढीचे संकेत दिले होते. अशा परिस्थितीत जर फेडने व्याजदर वाढवले तर गुंतवणूकदारांना सोन्यापेक्षा बाँड अधिक आकर्षक वाटतात. कारण, सोने कोणताही निश्चित परतावा देत नाही. असे झाल्यास सोने-चांदीचे दर आणखी घसरण्याची शक्यता आहे.