IIT Degree Value in AI Era: AI च्या जगात IIT पदवीची किंमत संपली? IIT मुंबईच्या माजी विद्यार्थ्याचे उत्तर

IIT Degree Value in AI Era still relevant: एआय (AI) च्या युगात आयआयटी पदवीचे महत्त्व संपले आहे का? यावर आयआयटी मुंबईचे माजी विद्यार्थी आणि 'अनाहद'चे सह-संस्थापक शिखर अग्रवाल यांनी महत्त्वपूर्ण मत मांडले आहे.

IIT Degree Value in AI Era debate on LinkedIn | IIT Bombay Alumnus Shikhar Agrawal startup co-founder | एआय युगात आयआयटी पदवीचे महत्त्व | आयआयटी मुंबई माजी विद्यार्थी शिखर अग्रवाल यांची पोस्ट

शिखर अग्रवाल यांनी एआय युगातील आयआयटी पदवीचे महत्त्व सांगतले आहे. (Shikhar Agrawal/Instagram)

IIT Degree Value in AI Era through the lens of successful entrepreneurs: एआयच्या उदयामुळे सर्वच क्षेत्रातील शिक्षण आता पूर्वीपेक्षा अधिक सहज उपलब्ध होत आहे. आयआयटी, आयआयएम सारख्या प्रतिष्ठित संस्थेतून पदवी मिळवण्यासाठी घेतलेले कष्ट खरोखर सार्थ आहेत का? असा प्रश्न विद्यार्थी उपस्थित करत आहेत. एआय सध्या सुरुवातीच्या टप्प्यात असूनही ते विविध संकल्पना स्पष्ट करू शकते, समस्या सोडवू शकते आणि अभ्यासासाठी सर्व प्रकारची मदत पुरवू शकते. एआयच्या इतक्या मोठ्या क्षमता असूनही, आयआयटी मुंबईच्या एका माजी विद्यार्थ्याच्या मते, अशा उच्च दर्जाच्या संस्थेत शिक्षण घेण्याचा सर्वात मोठा फायदा असा आहे, ज्याची निर्मिती किंवा पुनरावृत्ती तंत्रज्ञान करू शकत नाही.

‘अनाहद’चे सह-संस्थापक आणि उद्योजक शिखर अग्रवाल यांनी अलीकडेच लिंक्डइनवर या विषयावर आपले विचार मांडताना म्हटले की, आयआयटीचे खरे मूल्य तिथल्या वातावरणात आणि विद्यार्थ्यांच्या सोबत घडणाऱ्या महत्त्वाकांक्षी लोकांमध्ये दडलेले असते.

‘आयआयटी खरोखरच फायदेशीर ठरली का?’

आयआयटी बॉम्बेमधून मेकॅनिकल इंजिनिअरिंगमध्ये बी.टेक. पूर्ण करून पाच वर्षे उलटल्यानंतरही, अग्रवाल यांच्या मनात एक प्रश्न वारंवार येतो. तो म्हणजे, “आयआयटी मध्ये घेतलेले शिक्षण खरोखरच फायदेशीर ठरले, की ती केवळ एक ‘हायप’ होती?”

इंटरनेट सुविधा असलेल्या कोणालाही माहिती उपलब्ध करून देऊन ‘एआय’ने शिक्षण क्षेत्रात मोठा बदल घडवला आहे, हे त्यांनी मान्य केले. तरीही, ज्ञानाची उपलब्धता आणि एखाद्या प्रतिष्ठित शैक्षणिक संस्थेचे एकूण मूल्य यांमधील फरक न समजता अनेक लोक त्या दोन्ही गोष्टींची गल्लत करत आहेत, असे त्यांना वाटते.

“आयआयटी मुंबईडून मला मिळालेली सर्वात मोठी गोष्ट म्हणजे भिंतीवर लावलेली पदवी किंवा लिंक्डइन प्रोफाईलवरील आयआयटीचा टॅग नव्हे. तर, मी भेटलेल्या अत्यंत महत्त्वाकांक्षी, जिज्ञासू आणि सक्षम लोकांच्या सहवासात घालवलेली ती चार वर्षे, हीच माझ्यासाठी सर्वात मोठी कमाई होती. जेव्हा तुमच्या आजूबाजूचे सर्वजण काहीतरी नवीन घडवत असतात, गृहीतकांवर प्रश्नचिन्ह उपस्थित करत असतात, कठीण समस्या सोडवत असतात, उच्च पातळीवर स्पर्धा करत असतात आणि तुमच्यापेक्षाही मोठा विचार करत असतात, तेव्हा तुमच्या स्वतःच्याही अपेक्षा आणि निकष बदलू लागतात.” – शिखर अग्रवाल , सह-संस्थापक, अनाहद

हेही वाचा

‘थारचे ग्राहक दादागिरी करणारे अन् कमी शिकलेले’; बॉम्बे शेव्हिंग कंपनीच्या संस्थापकाची टीका, व्हिडीओ व्हायरल

अग्रवाल यांच्या मते, आयआयटीमधील त्यांच्या प्रवासात केवळ वर्गातील लेक्चर्स आणि पुस्तके ही सर्वात महत्त्वाची गोष्ट नव्हती. त्याऐवजी, त्यांची विचारसरणी घडवण्यात त्यांच्या वर्गमित्रांचा मोठा आणि महत्त्वाचा वाटा होता. अत्यंत जिद्दी, प्रतिभावान आणि महत्त्वाकांक्षी सहकाऱ्यांच्या सहवासामुळे त्यांना मोठी स्वप्ने पाहण्याची, स्वतःला आव्हान देण्याची आणि मोठी ध्येये निश्चित करण्याची प्रेरणा मिळाली.

त्यांचे असे मानणे आहे की, कठीण समस्या सोडवणारे, नवनवीन कल्पनांवर काम करणारे आणि सतत शिकत राहणाऱ्या लोकांच्या सानिध्यात राहिल्याचा त्यांच्यावर खोलवर परिणाम झाला आणि हा परिणाम केवळ शैक्षणिक क्षेत्रापुरता मर्यादित न राहता त्यापलीकडेही खूप मोठा होता.

AI मुळे IIT पदवीची किंमत संपली? आयआयटी मुंबईच्या माजी विद्यार्थ्याने सांगितले डोळे उघडणारे सत्य!

‘आयआयटी खरोखरच फायदेशीर ठरली का?’